Levitik 21:23 - Labib An Kreol Seselwa

²³ Me, akoz son lenfirmite, e pour ki i pa profann mon bann sanktyer, i pa pou kapab apros kot rido, ni kot lotel. Mwan menm SENYER; mwan ki konsakre li.

Levitik 21:23 ပူးပေါင်းရင်းမြစ်များ

Nehemi 13:29

Mazin zot, mon Bondye, akoz zot in sali saserdos ek lalyans bann pret ek bann levit.

Levitik 15:31

Konmsa, kan zot dan sa leta enpir, zot ava demann pep Izrael pour reste alekar. Alor, zot pa pou riske lanmor pour sali mon sanktyer ki parmi zot.

Levitik 19:2

Koz avek pep Izrael: Zot ava sen, akoz mwan SENYER zot Bondye, mon sen.

Levitik 20:7

Alor, konport zot koman bann sen, akoz mwan menm SENYER zot Bondye.

Levitik 21:12

I pa pou sorti dan sanktyer pour li profann sanktyer son Bondye. Annefe, i'n ganny konsakre avek delwil son Bondye. Mwan menm SENYER.

Levitik 21:22

Sepandan, i ava kapab manz nouritir son Bondye, sa ki tre sakre e sa ki sakre.

Levitik 21:24

Moiz ti dir tousala avek Aaron, son bann garson ek pep Izrael antye.

Levitik 21:6

Zot ava reste sen pour zot Bondye e pa dezonor non zot Bondye. Annefe, zot ki ofer Bondye bann sakrifis ki ganny brile, nouritir zot Bondye. Alor, zot ava sen.

Levitik 22:16

Si zot manz bann lofrann sakre, zot ava pe komet en fot ki merit reparasyon. Mwan menm SENYER ki rann zot sen.

Matye 23:17

Zot bann fou! Zot bann aveg! Lekel ki pli enportan: Lor, ouswa sa sanktyer ki rann sa lor sakre?