Levitik 21:17 - Labib An Kreol Seselwa

¹⁷ Dir avek Aaron: Atraver tou bann zenerasyon, okenn zonm parmi ou bann desandan ki annan en diformite, pa pou kapab prezant nouritir devan Bondye.

Levitik 21:17 ပူးပေါင်းရင်းမြစ်များ

Psonm 65:4

I byennere sa enn ki ou swazir pour anmenn viv dan ou sanktyer! Nou pou rasazye avek tou bann bon keksoz ki sorti kot ou dan ou tanp sakre.

Levitik 10:3

Moiz ti dir Aaron: SENYER ti byen dir: Tou sa ki apros mwan, devre rekonnet mon sentete, e mon ava ganny glorifye devan lepep antye. Aaron pa ti dir nanryen.

Levitik 21:16

SENYER ti koz avek Moiz:

Levitik 21:21

Okenn desandan pret Aaron ki enfirm pa kapab prezant li devan SENYER pour ofer bann lofrann brile par dife. I annan en diformite, i pa pou kapab prezant devan Bondye, pour ofer li nouritir.

Levitik 21:6

Zot ava reste sen pour zot Bondye e pa dezonor non zot Bondye. Annefe, zot ki ofer Bondye bann sakrifis ki ganny brile, nouritir zot Bondye. Alor, zot ava sen.

Levitik 3:11

En pret ava bril sa bann morso lo lotel. Sa i ava en nouritir, brile pour SENYER.

Levitik 3:16

En pret ava bril sa bann morso lo lotel koman en lofrann brile par dife, ki anvoy en loder ki fer plezir. Tou lagres i ganny rezerve pour SENYER.

Nonm 16:5

I ti dir Kore ek son kominote antye: Demen bomaten, SENYER pou fer konnen lekel ki pour li e lekel ki sen, lekel ki i pou les prezant devan li. I pou les sa enn ki i pou swazir pour apros devan li.

1 Tesalonisyen 2:10

Zot temwen, e Bondye osi, ki nou konportman anver zot bann krwayan ti pir, zis e san repros.

1 Timote 3:2

En dirizan dan Legliz i devre en zonm san okenn repros, mari en sel fanm, modere dan tou, rezonnab, respektab, kontan donn lospitalite, kapab byen ansennyen.

Ebre 7:26

Zezi i sa Gran-Pret ki nou ti bezwen: I sen, inosan, san pese, separe avek tou bann peser e plase pli o ki lesyel.