Levitik 21:1 - Labib An Kreol Seselwa

¹ SENYER ti koz avek Moiz: Dir avek bann pret, zanfan Aaron. Dir zot: En pret pa kapab rann li enpir akoz en lanmor dan son fanmir,

Levitik 21:1 ပူးပေါင်းရင်းမြစ်များ

Ezekyel 44:25

Zot pa devre al kot en dimoun mor pou rann zot enpir; me zot ava kapab zis dan ka en papa oubyen en manman, en garson oubyen en fiy, en frer oubyen en ser ki pa ankor marye.

Oze 5:1

Bann pret, ekoute! Pep Izrael, port byen atansyon! Bann lerwa, ekoute! Sa zizman i pour zot, akoz zot ti en pyez dan Mispa. Zot ti en latrap ki'n ganny zete lo montanny Tabor.

Levitik 19:28

Pa fer mark dan zot lapo an siny dey, ni fer okenn tatouaz lo zot lekor. Mwan menm SENYER.

Levitik 21:11

I pa pou al kot i annan en lekor mor; i pa pou rann li enpir, ni akoz son papa, ni akoz son manman.

Malasi 2:1

Bann pret! Aprezan, la sa ki mon ordonn zot:

Malasi 2:4

Alor, zot ava konnen ki se mwan menm SENYER liniver ki'n anvoy sa lavertisman, pour ki mon lalyans avek desandans Levi i reste valab.

Nonm 19:11

En dimoun ki tous nenport lekor mor, pou reste enpir pandan set zour.

Nonm 19:14

La en lot lalwa: Ler en dimoun i mor dan en latant, dimoun ki antre dan sa latant, pou vin enpir pandan set zour, parey sa bann ki ti dan sa latant.

Nonm 19:16

Si en dimoun i dan laplenn e i tous lekor en zonm ki'n ganny touye oubyen ki'n mor en lanmor natirel, si i tous kadav en dimoun mor oubyen en latonm, i pou reste enpir pandan set zour.

Nonm 5:2

Donn lord pep Izrael e dir zot ki zot devre met an deor kan, tou bann dimoun ki ganny en maladi ki parey lalep, bann ki annan en desarz e tou bann ki'n vin enpir par kontak avek dimoun mor.

Nonm 6:6

Pandan letan ki i'n met li apar pour SENYER, i pa devre al obor en kadav.