Levitik 20:6 - Labib An Kreol Seselwa

⁶ Sa enn ki al konsilte bann medyonm ek lespri dimoun mor pour li prostitye son lekor, mon pou tourn kont li e sas li parmi lepep.

Levitik 20:6 ပူးပေါင်းရင်းမြစ်များ

Psonm 73:27

Annefe, dimoun ki lwen avek ou pou disparet; ou detri sa bann ki abandonn ou.

Egzod 22:17

Si papa sa fiy i refize les son fiy marye, alor sa zonm ki'n sedwir sa vyerz, ava pey lekivalan annarzan, kado ki ganny peye pour kapab marye avek en fiy vyerz.

Egzod 22:18

Ou pa pou permet en sorsye viv.

Ezai 8:19

Si i annan dimoun ki dir ou: Al konsilte bann dimoun mor ek bann lespri ki predir lavenir e rabase, eski i normal pour en pep konsilte son bann bondye ek dimoun mor an faver bann vivan?

Zeremi 44:11

Pour sa rezon, la sa ki SENYER liniver, Bondye Izrael, i deklare: Mon pou fer maler tonm lo zot e detri Zida.

Ezekyel 6:9

Bann sirvivan ava mazin mwan parmi bann nasyon kot zot pou viv koman bann egzile. Zot ava rapel ki mannyer mon'n detri zot, avek zot leker enfidel ki'n abandonn mwan e zot lizye ki'n reste fikse lo sa bann zidol. Zot pou ganny repinyans pour zot prop lekor, akoz bann aksyon degoutan ki zot in komet.

Oze 4:12

Mon pep i kestyonn son morso dibwa; son baton mazik ki donn li larepons. En divan prostitisyon in soufle lo zot e i'n fer zot egare. Zot in tonm dan prostitisyon akoz zot in elwannyen avek zot Bondye.

Levitik 17:10

Si en Izraelit oubyen en etranze ki pe reste parmi zot i manz disan nenport zannimo, mon pou tourn kont sa dimoun, e mon pou rezet li parmi son pep.

Levitik 19:26

Pa manz okenn lavyann avek son disan. Pa pratik mazik, ni devinen.

Levitik 19:31

Pa konsilte bann lespri dimoun mor, ni bann lespri divinasyon; pa al rod zot, akoz zot ava rann ou enpir. Mwan menm SENYER zot Bondye.

Levitik 20:27

En zonm oubyen en fanm ki envok en medyonm oubyen lespri dimoun mor ava ganny touye; i ava ganny saboule avek ros. I ava responsab son prop lanmor.

Levitik 20:5

mwan menm, mon pou tourn kont li e kont son fanmir. Mon pou sas li parmi son pep, li avek tou sa bann ki'n swiv li pour al fer prostitisyon avek Molek.

Nonm 15:39

Sak fwa ki zot ava get sa franz, zot ava mazin komannman SENYER pour zot met an pratik. Zot pa devre swiv dezir zot lizye ek zot leker pour fer sa ki mal.

Akt de Zapot 16:16

En zour, letan nou ti pe al dan sa landrwa kot bann Zwif i reini pour priye, en servant ti vin zwenn nou. I ti posed en lespri ki ti permet li dir lavenir, e sa ti donn son met bokou larzan par son bann prediksyon.