Levitik 20:3 - Labib An Kreol Seselwa

³ Mwan menm, mon pou tourn kont sa zonm. Mon pou sas li parmi mon pep akoz in donn enn son zanfan bondye Molek, rann enpir mon sanktyer e dezonor mon non sen.

Levitik 20:3 ပူးပေါင်းရင်းမြစ်များ

Egzod 30:33

En dimoun ki imit sa reset e ki vers li lo en dimoun ordiner, pou ganny sase dan kominote.

Ezekyel 20:39

La sa ki Senyer BONDYE i deklare: Pep Izrael, sakenn parmi zot, zot kapab al ador zot zidol; apre, zot ava oblize obei mwan. Zot pou nepli profann mon non sen e ofer lofrann devan zot bann zidol.

Ezekyel 5:11

Alor, osi vre ki mon vivan, la sa ki mwan Senyer BONDYE mon deklare: Akoz ou'n rann mon sanktyer enpir par ou move konportman, par ou bann aksyon degoutan, mwan osi, mon pou abandonn ou e aret protez ou san pitye.

Levitik 15:31

Konmsa, kan zot dan sa leta enpir, zot ava demann pep Izrael pour reste alekar. Alor, zot pa pou riske lanmor pour sali mon sanktyer ki parmi zot.

Levitik 17:10

Si en Izraelit oubyen en etranze ki pe reste parmi zot i manz disan nenport zannimo, mon pou tourn kont sa dimoun, e mon pou rezet li parmi son pep.

Levitik 18:21

Ou pa pou ofer enn ou zanfan an sakrifis avek Molek. Sa i ava dezonor non ou Bondye. Mwan menm SENYER.

Levitik 19:12

Ou pa devre fer fo serman an servan mon non; ou ava pe dezonor non ou Bondye. Mwan menm SENYER.

Levitik 20:4

Si bann zabitan sa pei i ferm zot lizye e zot pa touy sa zonm ki'n donn son zanfan Molek,

Levitik 21:6

Zot ava reste sen pour zot Bondye e pa dezonor non zot Bondye. Annefe, zot ki ofer Bondye bann sakrifis ki ganny brile, nouritir zot Bondye. Alor, zot ava sen.

Levitik 7:20

Me en dimoun ki dan en leta enpir, e ki manz lavyann sakrifis lape ki'n ganny ofer devan SENYER, i ava ganny rezete parmi son fanmir.

Levitik 7:21

Nenport ki parmi zot ki tous en keksoz enpir, swa en imen, en zannimo, ouswa nenport lezot keksoz enpir, e sa enn ki manz lavyann sakrifis lape pour SENYER, ava ganny rezete parmi son fanmir.

Nonm 19:13

En dimoun ki tous en kadav e ki pa ganny pirifye, pou rann tanp SENYER enpir. I devret ganny met an deor kominote pep Izrael, akoz i pa'n vers delo pirifikasyon lo li. I pou reste dan son leta enpir.

Nonm 19:20

Dimoun ki vin enpir e ki pa fer rityel pirifikasyon, pou ganny met deor kominote Izrael. Annefe, zot pou rann Latant SENYER enpir, akoz zot pa'n ganny asperze avek delo pirifikasyon; zot pou reste enpir.

2 Korentyen 6:16

Ki Tanp Bondye i annan an komen avek bann zidol? Annefe, nou menm ki tanp Bondye vivan. Parey Bondye in deklare: Mon pou mars parmi zot; mon pou vin zot Bondye e zot ava vin mon pep.

1 Pyer 3:12

Annefe, lizye Senyer i fikse lo bann zis. Son zorey i ouver pour ekout zot lapriyer. Me vizaz Senyer i tourn kont bann ki fer sa ki mal.