Levitik 20:22 - Labib An Kreol Seselwa

²² Zot ava gard tou mon bann lalwa ek tou mon bann regleman e met zot an pratik, pour ki sa pei kot mon pou fer zot antre, pa rezet zot.

Levitik 20:22 ပူးပေါင်းရင်းမြစ်များ

Psonm 105:45

Konmsa, zot in kapab gard son bann komannman e obzerv son bann lalwa. Loue SENYER!

Psonm 119:106

Mon'n fer serman pour mwan tenir e gard ou bann desizyon ki zis.

Psonm 119:145

Mon apel ou avek tou mon leker. SENYER reponn mwan. Mon pou obzerv ou regleman.

Psonm 119:160

Tou ou parol i laverite; ou bann desizyon i zis e bon pour touzour.

Psonm 119:164

Mon loue ou set fwa par zour akoz ou bann desizyon i zis.

Psonm 119:171

Mon labous ava proklanm ou louanz, akoz ou ansenny mwan ou bann regleman.

Psonm 119:175

Mon ava viv pour loue ou e ou bann desizyon ava ed mwan.

Psonm 119:20

Mon dezir touzour met an pratik ou bann desizyon.

Psonm 119:80

Mon pou swiv ou bann regleman avek tou mon leker, pour ki mon pa ganny imilye.

Egzod 21:1

SENYER ti dir: La bann regleman ki ou ava met devan bann Izraelit:

Ezekyel 36:27

Mon pou met mon lespri dan zot pour ki zot obeir mon bann lalwa e met an pratik mon bann regleman.

Levitik 19:37

Ou ava gard tou mon bann regleman ek mon bann desizyon, e met zot an pratik. Mwan menm SENYER.

Levitik 26:33

Mon pou dispers zot parmi bann nasyon e anvoy lager kont zot. Zot pei pou vin en dezolasyon e zot bann lavil ava vin en ta debri.

Deterononm 4:45

Moiz ti donn sa bann lalwa ek regleman ler zot ti'n sorti Lezip.

Deterononm 5:1

Moiz ti rasanble pep Izrael antye. I ti dir zot: Izrael! Ekout bann lalwa ek regleman ki mon pe donn zot ozordi. Aprann zot e fer sir ki zot ganny met an pratik.