Levitik 20:2 - Labib An Kreol Seselwa

² Dir bann Izraelit: Sa enn parmi pep Izrael oubyen parmi bann etranze ki reste Izrael ki ofer bondye Molek enn zot bann zanfan an sakrifis, ava ganny touye. Lepep ava saboul zot avek ros.

Levitik 20:2 ပူးပေါင်းရင်းမြစ်များ

1 Rwa 11:7

Alor Salomon ti konstri en landrwa sakre pour Kemok, bondye degoutan bann Amonit, lo montanny, anfas avek Zerizalenm.

2 Rwa 17:17

Zot ti'n ofer zot garson ek zot fiy an sakrifis; zot ti'n pratik divinasyon, konsilte bann sorsye e vann zot lekor pour fer sa ki depler SENYER e provok son lakoler.

2 Rwa 23:10

Lerwa ti rann enpir Tofet ki dan laplenn bann garson Hinonm, pour ki personn pa ofer ankor ni son garson, ni son fiy, an sakrifis dan dife pour Molek.

2 Kronik 28:3

I ti bril sakrifis dan Vale Inonm e menm bril son bann garson dan dife, koman sakrifis. I ti swiv bann pratik degoutan bann nasyon ki SENYER ti'n pouse pour fer plas pour pep Izrael.

2 Kronik 33:6

I ti ofer son bann garson koman sakrifis dan dife, dan vale Inonm. I ti pratik divinasyon, sorselri, konsilte bann ki predir lavenir ek bann ki envok dimoun mor. Deplizanpli, i ti fer sa ki mal devan SENYER pour fer son lakoler monte.

Psonm 106:38

Zot ti fer disan inosan koule; disan zot prop garson, zot prop fiy, ki zot ti ofer an loner bann zidol Kanaan; e pei ti ganny sali avek disan.

Zeremi 32:35

Zot in konstri bann landrwa kot zot ador bondye Baal dan vale Benn-Hinonm. Zot fer bril dan dife zot garson ek zot fiy an loner bondye Molek. Zanmen mon ti demann zot fer sa; e zanmen mon ti mazinen ki zot ti ava fer en keksoz parey pour fer Zida komet pese.

Zeremi 7:31

Dan vale Benn-Hinonm, zot in enstal zot landrwa sakre ki zot apel Tofet, pour zot bril zot garson ek zot fiy an sakrifis. Zanmen mon'n demann zot fer sa, e zanmen mon'n mazin en keksoz parey.

Ezekyel 20:26

Me mon ti les zot vin enpir par zot bann don, ler zot ti ofer an sakrifis zot premye zanfan pour mwan, pour fer zot per e pour ki zot konnen: Mwan ki SENYER.

Ezekyel 20:31

Menm aprezan, kan zot ofer sakrifis zot bann zanfan ki zot brile dan dife devan bann zidol, zot rann zot enpir. Pep Izrael! Zot krwar mon pou les zot konsilte mwan? Osi vre ki mon vivan, mon pa pou les zot konsilte mwan, Senyer BONDYE i deklare.

Ezekyel 23:37

Zot in livre zot dan en lavi adilter; zot annan disan lo zot lanmen. Zot in komet adilter avek zot bann zidol. Zot in menm ofer an sakrifis zot prop zanfan ki zot in donn nesans.

Ezekyel 23:39

Sa menm zour ki zot in ofer sakrifis zot zanfan devan zot zidol, zot in al dan mon sanktyer pour profann li.

Levitik 17:13

Si en Izraelit oubyen en etranze ki pe reste parmi zot i al lasas e i atrap en zannimo oubyen en zwazo ki i kapab manze, i ava fer koule son disan e kouver li avek later.

Levitik 17:15

En Izraelit oubyen en etranze ki'n manz en zannimo ki'n mor natirelman, oubyen ki'n ganny desire par en zannimo sovaz, ava lav son lenz e benny dan delo. I ava reste enpir ziska aswar; apre i ava vin pir.

Levitik 17:8

Ou ava osi dir zot: Si en Izraelit oubyen en etranze ki viv parmi zot, i ofer en sakrifis konplet, ouswa nenport ki lot sakrifis,

Levitik 18:21

Ou pa pou ofer enn ou zanfan an sakrifis avek Molek. Sa i ava dezonor non ou Bondye. Mwan menm SENYER.

Levitik 20:1

SENYER ti koz avek Moiz:

Levitik 20:27

En zonm oubyen en fanm ki envok en medyonm oubyen lespri dimoun mor ava ganny touye; i ava ganny saboule avek ros. I ava responsab son prop lanmor.

Levitik 24:14

Fer sa enn ki'n blasfenmen sorti an deor kan. Sa bann ki'n antann li ensilte mon non, ava poz zot lanmen lo son latet. Apre, kominote ava saboul li avek ros.

Levitik 24:16

Sa enn ki blasfenm non SENYER ava ganny touye; kominote ava touy li. Etranze koman sitwayen ki blasfenm non SENYER ava ganny touye.

Levitik 24:23

Moiz ti transmet sa bann lalwa avek pep Izrael. Zot ti anmenn sa zonm ki ti blasfenmen an deor kan kot zot ti saboul li avek ros e touy li parey SENYER ti'n ordonn Moiz.

Akt de Zapot 7:43

Zot ti anmenn latant Molek, zot Bondye, ek zetwal zot bondye Refann, sa bann zidol ki zot ti fer pour adore. Pour sa rezon, mon pou deport zot lo lot kote Babilonn.

Deterononm 12:31

Ou pa pou azir konmsa anver SENYER, ou Bondye, akoz sa bann nasyon in fer toudsort keksoz degoutan pour zot bann bondye ki SENYER i deteste. Zot ti menm bril zot bann garson ek zot bann fiy an sakrifis, an loner zot bann bondye.

Deterononm 17:2

Si i annan dan enn sa bann lavil ki SENYER pou donn ou, en zonm oubyen en fanm ki pe fer sa ki mal devan SENYER, ou Bondye, ki dezobei son lalyans,

Deterononm 18:10

Personn parmi zot pa devre ofer son garson, oubyen son fiy an sakrifis, ni fer divinasyon, ni predir lavenir, ni pratik mazik, ni fer sorsye,

Deterononm 21:21

Alor, tou bann zonm sa lavil ava saboul li avek ros ziska i mor. Konmsa, ou ava fer disparet lemal parmi zot. Izrael antye ava antann sa ki'n arive e zot ava per.

Deterononm 22:21

sa zenn fanm ava ganny anmennen deor lakaz son papa e bann zonm lavil ava saboul li avek ros, akoz in komet en aksyon degoutan dan Izrael: I'n prostitye son lekor dan lakaz son papa. Konmsa, ou ava fer disparet sa ki mal parmi zot.