Levitik 2:4 - Labib An Kreol Seselwa

⁴ Si ou ofer en lofrann vezetal kwi dan four, i devre en gato fer avek lafarin meyer kalite, san lelven, petri avek delwil, ek en galet san lelven, aroze avek delwil.

Levitik 2:4 ပူးပေါင်းရင်းမြစ်များ

Psonm 22:14

Mon lafors in koule parey delo; tou mon bann lezo in large. Parey lasir, mon leker i fonn dan mon pwatrin.

Egzod 12:8

Sa menm swar, zot ava manz sa lavyann; zot ava manz lavyann roti lo dife avek bann dipen san lelven ek zerb anmer.

Egzod 16:31

Pep Izrael ti apel sa manze lamann. I ti parey lagrenn koriyann; i ti blan e i ti annan gou biskwi fer avek dimyel.

Egzod 29:2

dipen san lelven, melanze avek delwil, gato san lelven petri avek delwil, ek bann galet san lelven, aroze avek delwil.

Ezai 42:1

Mon prezant mon serviter ki mon tenir par lanmen; mon'n swazir li avek lazwa. Mon'n fer mon lespri repoz lo li pour ki i pratik lazistis devan bann nasyon.

Ezai 61:1

Lespri Senyer BONDYE i repoz lo mwan, SENYER in konsakre mwan; in anvoy mwan anmenn bonn nouvel kot bann ki'n ganny imilye; geri bann leker brize, proklanm delivrans pour bann prizonnyen rann laliberte bann ki dan prizon,

Ezekyel 46:20

I ti dir mwan: Sa i landrwa kot bann pret ava bwi lavyann zannimo pour sakrifis pardon pese; lanmenm kot zot pou osi kwi bann lofrann, pour ki lepep pa antre an kontak avek sa ki sakre.

Levitik 1:11

I ava egorz li lo kote Nor lotel devan SENYER, e bann pret, bann garson Aaron, ava asperz disan sa zannimo otour lotel.

Levitik 10:12

Moiz ti dir avek Aaron, Eleazar ek Itamar, son de garson ki ti reste, “Pran sa ki reste dan lofrann vezetal ki'n ganny ofer; bril li devan SENYER e manz li san lelven akote lotel, akoz i en keksoz tre sakre.

Levitik 6:17

Fodre pa kwi li avek lelven. Mon donn zot sa koman zot par dan mon sakrifis brile par dife. Sa i en keksoz tre sen, parey dan ka sakrifis pour pardon pese ek sakrifis pour reparasyon.

Levitik 7:12

Si en dimoun i ofer en sakrifis remersiman, i ava ofer gato san lelven, petri avek delwil, galet aroze avek delwil, ek gato fer avek lafarin meyer kalite, byen petri avek delwil.

Nonm 6:15

I ava osi anmenn en pannyen plen avek dipen san lelven, gato fler lafarin petri avek delwil e galet san lelven aroze avek delwil, avek lofrann sereal ek lofrann labwason.

Matye 26:38

I ti dir zot, “Mon leker i ranpli avek latristes lanmor. Reste isi e vey avek mwan.”

Levanzil dapre Zan 12:27

“Aprezan, mon leker i trouble. Ki mon pou dir? Papa! Eparny mwan sa moman soufrans. Me se zisteman pour sa moman ki mon'n vini.

Levanzil dapre Zan 3:34

Sa enn ki Bondye in anvoye, i koz Parol Bondye, akoz Bondye in donn li son Lespri annabondans.

Ebre 7:26

Zezi i sa Gran-Pret ki nou ti bezwen: I sen, inosan, san pese, separe avek tou bann peser e plase pli o ki lesyel.

1 Pyer 2:1

Alor, rezet, tou kalite mesanste, frod, lipokrizi, zalouzi ek medizans.

1 Pyer 2:22

Kris pa'n zanmen fer okenn pese, e zanmen okenn mansonz in sorti dan son labous.