Levitik 2:2 - Labib An Kreol Seselwa

² I ava anmenn sa lofrann kot bann pret, bann garson Aaron. En pret ava pran en ponnyen sa lafarin melanze avek delwil ek lansan, e bril lo lotel koman sa porsyon rezerve pour SENYER. Sa i en lofrann brile dan dife, ki anvoy en loder ki fer plezir SENYER.

Levitik 2:2 ပူးပေါင်းရင်းမြစ်များ

Nehemi 13:14

Mon Bondye! Mazin mwan, akoz sa. Pa efas bann bon aksyon ki mon'n fer avek fidelite pour tanp mon Bondye e pour son servis.

Nehemi 13:22

Mon ti osi demann bann levit pour pirifye zot, pour vin vey bann laport pour fer sir ki saba i reste en zour sakre. Pour sa osi, mon Bondye, mazin mwan e protez mwan dan ou gran fidelite!

Egzod 30:16

Ou ava pran sa larzan taks avek pep Izrael, e ou ava itiliz li pour servis Latant Rankont. Pour bann Izraelit, i ava en memoryal devan SENYER koman en taks pour zot lavi.

Ezai 66:3

Dimoun i ofer en toro pour sakrifis, me zot osi touy en imen. Dimoun i egorz en mouton, me zot osi kas likou en lisyen. Dimoun i ofer en sakrifis sereal, me zot osi ofer disan koson. Dimoun i fer lofrann memoryal lansan, me zot osi beni en zidol. Zot in swazir zot prop semen. Zot pran plezir dan zot bann pratik degoutan.

Levitik 1:13

I ava lav trip ek bann lapat avek delo. Answit, en pret ava prezant tou e fer brile lo lotel. Sa i ava en sakrifis konplet, brile dan dife, ki anvoy en loder ki fer plezir SENYER.

Levitik 1:17

I ava fann sa zwazo an de ant son lezel, me san separ li an morso. Apre, sa pret ava bril li lo dibwa ki lo lotel. Sa i ava en sakrifis konplet, brile dan dife, ki anvoy en loder ki fer plezir SENYER.

Levitik 1:9

Trip ek bann lapat ava ganny lave avek delo. Apre, en pret ava bril tousala lo lotel. Sa, i ava en sakrifis konplet, brile dan dife, ki anvoy en loder ki fer plezir SENYER.

Levitik 2:16

En pret ava bril en parti sa legren kraze avek delwil ek lansan. Sa i en lofrann brile dan dife pour SENYER.

Levitik 2:9

Sa pret ava pran en porsyon sa sakrifis rezerve pour SENYER e bril li lo lotel. Sa i ava en sakrifis brile dan dife, ki anvoy en loder ki fer plezir SENYER.

Levitik 24:7

Ou ava depoz lansan pir lo sak ranze. Sa i ava ranplas dipen koman lofrann brile par dife an loner SENYER.

Levitik 4:31

I ava retir tou son lagres, parey i fer pour zannimo sakrifis lape. Pret ava bril li lo lotel pour donn en loder ki fer plezir SENYER. Konmsa, ki pret ava ofer sa sakrifis pour pardon pese sa senp sitwayen e i ava ganny pardonnen.

Levitik 5:11

Me, si i pa posib pour en dimoun ganny de tourtrel oubyen de pizon, alor i kapab ofer koman lofrann pour pardon pese ki i'n komet, en dizyenm mezir lafarin meyer kalite. Me i pa devre azout delwil avek, ni met lansan lo la, akoz i en lofrann pour pardon pese.

Levitik 5:12

I ava anmenn sa lafarin kot pret ki ava pran en ponnyen koman porsyon rezerve pour SENYER e bril li lo lotel, avek lezot lofrann brile par dife pour SENYER. Sa i en lofrann pour pardon pese.

Levitik 6:15

Zot ava pran en ponnyen lafarin meyer kalite dan sa lofrann vezetal avek delwil ek tou lansan ki lo la. Zot ava bril li lo lotel, e i ava anvoy en loder ki fer plezir SENYER.

Nonm 5:18

Pret ava fer sa fanm prezant li devan SENYER. I ava delarg son seve e met dan son lanmen lofrann vezetal ki i'n anmennen, akoz zalouzi son mari. Sa pret ava tenir dan son lanmen sa delo anmer ki donn malediksyon.

Nonm 5:26

Answit, pret ava pran en ponnyen lafarin dan sa lofrann, bril li lo lotel e apre fer sa fanm bwar sa delo.

Akt de Zapot 10:4

I ti get lanz avek lafreyer. I ti dir, “Ki i annan Senyer?” Lanz ti reponn li, “Bondye in ekout ou bann lapriyer e in war ou bann lomonn anver bann pov. I pa'n oubliy ou.