Levitik 19:31 - Labib An Kreol Seselwa

³¹ Pa konsilte bann lespri dimoun mor, ni bann lespri divinasyon; pa al rod zot, akoz zot ava rann ou enpir. Mwan menm SENYER zot Bondye.

Levitik 19:31 ပူးပေါင်းရင်းမြစ်များ

2 Rwa 17:17

Zot ti'n ofer zot garson ek zot fiy an sakrifis; zot ti'n pratik divinasyon, konsilte bann sorsye e vann zot lekor pour fer sa ki depler SENYER e provok son lakoler.

2 Rwa 21:6

I ti ofer son garson an sakrifis; i ti menm pratik mazik e konsilte bann ki predir lavenir ek bann sorsye. I ti fer en kantite keksoz mal ki depler SENYER, e provok son lakoler.

2 Rwa 23:24

Pour li realiz bann parol lalwa ki'n ganny ekri dan sa liv ki pret Hilkiya ti'n trouve dan tanp SENYER, Zozyas ti osi elimin tou dimoun ki envok bann lespri ek bann medyonm, bann pti stati bondye, bann gran stati ek tou bann pratik degoutan ki ti egziste dan pei Zida e dan Zerizalenm.

1 Kronik 10:13

Sail ti mor akoz i pa ti fidel anver SENYER; i pa ti obei komannman SENYER. I ti'n osi al konsilte lespri bann mor.

2 Kronik 33:6

I ti ofer son bann garson koman sakrifis dan dife, dan vale Inonm. I ti pratik divinasyon, sorselri, konsilte bann ki predir lavenir ek bann ki envok dimoun mor. Deplizanpli, i ti fer sa ki mal devan SENYER pour fer son lakoler monte.

Egzod 22:18

Ou pa pou permet en sorsye viv.

Ezai 29:4

Alor, dan fon lo later, ou pou koze; ou bann parol pou sorti dan lapousyer; ou lavwa pou sorti anba later; ou parol pou monte sorti dan lapousyer.

Ezai 47:13

Ou'n fatig ou afors demann konsey. Les dimoun ki etidye lesyel vin sov ou; les sa bann ki lir dan bann zetwal, ki sak nouvellin i anons zot sa ki pou arive, les zot vin sov ou.

Ezai 8:19

Si i annan dimoun ki dir ou: Al konsilte bann dimoun mor ek bann lespri ki predir lavenir e rabase, eski i normal pour en pep konsilte son bann bondye ek dimoun mor an faver bann vivan?

Levitik 19:26

Pa manz okenn lavyann avek son disan. Pa pratik mazik, ni devinen.

Levitik 19:3

Sakenn zot ava annan respe pour son manman ek son papa e zot ava obzerv mon bann saba. Mwan menm SENYER, zot Bondye.

Levitik 20:27

En zonm oubyen en fanm ki envok en medyonm oubyen lespri dimoun mor ava ganny touye; i ava ganny saboule avek ros. I ava responsab son prop lanmor.

Akt de Zapot 8:11

Alor, zot ti donn li bokou latansyon, akoz depi lontan i ti pe pratik son mazik e etonn dimoun.

Galat 5:20

ladorasyon zidol, siperstisyon, laenn, diskord, zalouzi, lakoler, egoism, divizyon,

Revelasyon 21:8

Me pour bann las, bann enfidel, bann dimoun degoutan, bann kriminel, bann prostitye, bann sorsye, bann adorater zidol, ek tou bann manter, zot plas pou dan lak dife ek souf. Sa i dezyenm lanmor.

1 Samyel 28:3

Samyel ti'n mor, e pep Izrael antye ti plere, e zot ti'n anter li dan son lavil Rama. Sail ti'n fer disparet tou bann deviner ek bann ki envok lespri.