Levitik 19:30 - Labib An Kreol Seselwa

³⁰ Obzerv mon bann saba e annan respe pour mon sanktyer. Mwan menm SENYER.

Levitik 19:30 ပူးပေါင်းရင်းမြစ်များ

2 Kronik 33:7

I ti plas en stati ki i ti'n fer dan tanp Bondye. Pourtan Bondye ti'n dir avek David ek son garson, Salomon: Isi, dan sa tanp, dan Zerizalenm ki mon'n swazir parmi tou bann tribi Izrael, ki mon pou gard mon prezans pour touzour.

2 Kronik 36:14

Tou bann sef parmi bann pret e parmi lepep, ti vin pli enfidel anver Bondye e zot ti imit bann nasyon dan zot bann pratik degoutan. Zot ti profann tanp SENYER, ki i ti'n konsakre, dan Zerizalenm.

Psonm 89:7

Bondye i ganny respekte dan konsey bann lanz; i gran e formidab dan son lantouraz.

Egzod 20:8

Rapel zour saba; gard li koman en zour sakre.

Eklezyas 5:1

Fer atansyon ler ou al kot tanp Bondye; al pour ekoute plito ki pour ofer sakrifis parey bann fou, akoz zot pa ni konnen si zot pe mal azir.

Ezekyel 9:6

Touy zot tou: Vyeyar, zennzan, zenn fiy, pti zanfan ek bann fanm, me pa tous personn ki annan mark lo fron. Ou ava konmans par mon sanktyer.” Alor, zot ti konmans touy bann ansyen ki ti devan tanp.

Levitik 10:3

Moiz ti dir Aaron: SENYER ti byen dir: Tou sa ki apros mwan, devre rekonnet mon sentete, e mon ava ganny glorifye devan lepep antye. Aaron pa ti dir nanryen.

Levitik 15:31

Konmsa, kan zot dan sa leta enpir, zot ava demann pep Izrael pour reste alekar. Alor, zot pa pou riske lanmor pour sali mon sanktyer ki parmi zot.

Levitik 16:2

SENYER ti dir Moiz: Dir ou frer, Aaron, pa antre nenport ler dan sanktyer, anndan par deryer rido separasyon, kot Kof Lalyans. Annefe, i kapab mor, ler mon aparet dan lafimen par lao kouvertir Kof Lalyans.

Levitik 19:3

Sakenn zot ava annan respe pour son manman ek son papa e zot ava obzerv mon bann saba. Mwan menm SENYER, zot Bondye.

Levitik 26:2

Zot ava obzerv mon bann saba, e montre gran respe pour mon sanktyer: Mwan menm SENYER.

Matye 21:13

I ti dir zot, “I'n ekri: Mon lakaz pou ganny apele en lakaz lapriyer. Me zot, zot in fer li vin en kavern voler.”

2 Korentyen 6:16

Ki Tanp Bondye i annan an komen avek bann zidol? Annefe, nou menm ki tanp Bondye vivan. Parey Bondye in deklare: Mon pou mars parmi zot; mon pou vin zot Bondye e zot ava vin mon pep.

1 Pyer 4:17

Annefe, ler i'n arive pour zizman konmanse, e se par pep Bondye ki i pou konmanse. Alor, si zizman Bondye i konmans par nou, ki pou arive avek sa bann ki refize krwar dan Bonn Nouvel Bondye?