Levitik 19:28 - Labib An Kreol Seselwa

²⁸ Pa fer mark dan zot lapo an siny dey, ni fer okenn tatouaz lo zot lekor. Mwan menm SENYER.

Levitik 19:28 ပူးပေါင်းရင်းမြစ်များ

1 Rwa 18:28

Zot ti kriy tre for; zot ti sizle zot lekor avek lepe ek lans dapre zot koutim, ziska ki disan ti koule lo zot.

Zeremi 16:6

Ris koman pov, pou mor dan sa pei. Personn pou anter zot oubyen met dey. Personn pa pou sizle son lapo, ni raz son latet pour montre son lapenn.

Zeremi 48:37

Zot tou, zot in raz zot latet, koup zot labarb, sizle zot lanmen e zot in met en lenz dey lo zot.

Levitik 19:27

Pa koup an ron bor zot seve, ni zot labarb lo kote latanp.

Levitik 19:29

Pa detri loner ou fiy e fer li vin en prostitye. Sinon, pei antye ava vin prostitye e ranpli avek limoralite.

Levitik 21:1

SENYER ti koz avek Moiz: Dir avek bann pret, zanfan Aaron. Dir zot: En pret pa kapab rann li enpir akoz en lanmor dan son fanmir,

Levitik 21:11

I pa pou al kot i annan en lekor mor; i pa pou rann li enpir, ni akoz son papa, ni akoz son manman.

Levitik 21:5

Bann pret pa pou raz zot latet, ni raz zot labarb lo latanp, ni sizle zot lapo.

Mark 5:5

Lannwit koman lizour, i ti marse parmi bann latonm e dan montanny. I ti kriye, e bles son lekor avek ros.

Levanzil dapre Zan 20:25

Alor, bann disip ti dir li, “Nou'n war Senyer!” Toma ti reponn zot, “Si mon pa war mark klou dan son lanmen, si mon pa met mon ledwa dan landrwa kot klou ti ete, e si mon pa met mon lanmen dan son kote, mon pa pou krwar.”

Deterononm 14:1

Zot en bann zanfan ki pour SENYER, zot Bondye. Alor, si zot an dey, zot pa pou sizle zot lapo, ni raz seve devan zot latet.

Revelasyon 14:11

Lafimen dife ki tourmant zot pou monte pour touzour. Bann ki ador sa bebet ek son stati, e nenport ki, ki resevwar mark son non, pou san repo, ni lizour, ni lannwit.

Revelasyon 14:9

En lot lanz, en trwazyenm, ti swiv. I ti dir avek en lavwa for: Si en dimoun i ador sa bebet ek son stati e resevwar en mark lo son fron oubyen lo son lanmen,

Revelasyon 15:2

Apre, mon ti war sa ki ti resanble en lanmer an ver, melanze avek dife. Mon ti osi war bann ki ti'n ganny laviktwar lo sa bebet, lo son stati, e lo nimero ki koresponn avek son non. Zot ti pe debout lo lanmer an ver, avek dan zot lanmen, bann laarp ki Bondye ti'n donn zot.

Revelasyon 16:2

Premye lanz ti ale e devers son lakoup lo later. Alor, en bann vilen boubou fermal ti aparet lo bann dimoun ki ti port mark sa bebet e ki ti ador son stati.

Revelasyon 19:20

Sa bebet ti ganny kaptire, ensi ki sa fo profet ki ti'n fer bann siny devan li; bann siny ki ti tronp bann ki ti'n resevwar mark sa bebet ek bann ki ti ador son stati. Tou le de ti ganny zete vivan dan lak dife kot souf ti pe brile.

Revelasyon 20:4

Apre, mon ti war bann tronn. Sa bann ki ti pe asize lo tronn ti'n ganny pouvwar pou zize. Mon ti osi war bann ki ti'n ganny egzekite akoz temwannyaz Zezi ek Parol Bondye. Zot pa ti'n ador sa bebet ni son zimaz, e zot pa ti'n resevwar mark sa bebet lo zot fron, ni lo zot lanmen. Zot ti resisite e renny avek Kris pandan 1,000 an.