Levitik 19:26 - Labib An Kreol Seselwa

²⁶ Pa manz okenn lavyann avek son disan. Pa pratik mazik, ni devinen.

Levitik 19:26 ပူးပေါင်းရင်းမြစ်များ

Zenez 44:5

Eski sa lakoup ki mon senyer i bwar ladan e ki i servi pour devin lavenir pa avek zot? Sa ki zot in fer i mal.”

Zenez 9:4

Me fo-dre pa ki zot manz lavyann avek son lavi, setadir, son disan.

2 Rwa 17:17

Zot ti'n ofer zot garson ek zot fiy an sakrifis; zot ti'n pratik divinasyon, konsilte bann sorsye e vann zot lekor pour fer sa ki depler SENYER e provok son lakoler.

2 Rwa 21:6

I ti ofer son garson an sakrifis; i ti menm pratik mazik e konsilte bann ki predir lavenir ek bann sorsye. I ti fer en kantite keksoz mal ki depler SENYER, e provok son lakoler.

2 Kronik 33:6

I ti ofer son bann garson koman sakrifis dan dife, dan vale Inonm. I ti pratik divinasyon, sorselri, konsilte bann ki predir lavenir ek bann ki envok dimoun mor. Deplizanpli, i ti fer sa ki mal devan SENYER pour fer son lakoler monte.

Egzod 7:11

Me Faraon ti osi apel son bann saz ek son bann sorsye. Sa bann mazisyen Lezip ti fer parey atraver zot bann pratik sekre.

Egzod 8:7

Me bann mazisyen ti kapab fer parey. Gras a zot trik mazik, zot osi, zot ti fer bann grenouy monte partou dan Lezip.

Zeremi 10:2

La sa ki SENYER i deklare: Pa aprann sa ki lezot nasyon i pratike Pa per bann fenomenn ki pas dan lesyel parey lezot nasyon.

Danyel 2:10

Bann mazisyen ti reponn lerwa, “Napa personn lo later ki kapab revel sa ki lerwa i demande! Annefe, napa okenn lerwa, menm pli gran e pli pwisan ki i kapab ete, ki'n deza demann en tel keksoz avek okenn mazisyen, savan, oubyen sorsye.

Levitik 19:25

Dan senkyenm lannen, zot ava kapab manz fri. Konmsa ki zot rekolt ava ogmante: Mwan menm SENYER zot Bondye.

Levitik 3:17

Zot pa devre manz ni lagres, ni disan. Sa i en lalwa pour touzour, pour tou zot bann zenerasyon, partou dan nenport landrwa kot zot ava reste.

Levitik 7:26

Partou kot ou ava pe reste, ou pa devre manz okenn disan, ni disan zwazo, ni disan zannimo.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Akt de Zapot 15:20

Me annou ekri zot e demande ki zot pa manz lavyann ki'n ganny ofer avek bann zidol, gard zot kont tou pratik imoral, pa manz zannimo ki'n toufe, ni disan.

Deterononm 12:16

Me ou pa pou kapab manz disan okenn zannimo; ou ava les li koul ater, parey delo.

Deterononm 12:23

Selman, fer sir ou pa manz son disan, akoz disan i lavi e ou pa devre manz lavi avek lavyann.

Deterononm 15:23

Selman, ou pa pou manz son disan; ou ava les son disan koul ater, parey delo.

1 Samyel 14:32

Zot ti sot lo sa ki zot ti'n pran avek bann Filisten: Mouton, toro, zenn bef, egorz zot e ofer zot an sakrifis ater; la troup ti manz lanmenm lo disan.

1 Samyel 14:33

Zot ti dir Sail, “La bann troup pe fer pese kont SENYER; zot pe manz lavyann lo disan.” Sail ti dir, “Zot in kondwir zot koman bann tret; toudswit, roul en gro ros isi kot mwan.

1 Samyel 15:23

Rebelyon i parey pese sorselri; larogans i osi grav ki ladorasyon pti stati bondye etranze. Akoz ou'n rezet laparol SENYER, li osi i'n rezet ou: Ou pou nepli lerwa.”