Levitik 19:2 - Labib An Kreol Seselwa

² Koz avek pep Izrael: Zot ava sen, akoz mwan SENYER zot Bondye, mon sen.

Levitik 19:2 ပူးပေါင်းရင်းမြစ်များ

Psonm 99:3

Loue son non ki gran e formidab. SENYER, i sen.

Egzod 19:6

Zot ava vin en rwayonm pret e en nasyon sen pour mwan. Sa i bann parol ki ou pou dir avek zanfan pep Izrael.”

Egzod 22:31

Zot ava en pep konsakre pour mwan. Alor, zot pa pou manz lavyann okenn zannimo ki'n ganny desire par bann zannimo sovaz dan lakanpanny. Zot ava zet li avek bann lisyen.

Levitik 19:1

SENYER ti koz avek Moiz:

Levitik 20:26

Zot ava sen pour mwan, akoz mwan SENYER mon sen e mon'n separ zot avek lezot pep pour zot vin pour mwan.

Levitik 20:7

Alor, konport zot koman bann sen, akoz mwan menm SENYER zot Bondye.

Levitik 21:15

I pa pou dezonor son desandans dan son fanmir, akoz mwan SENYER ki konsakre li.

Levitik 21:23

Me, akoz son lenfirmite, e pour ki i pa profann mon bann sanktyer, i pa pou kapab apros kot rido, ni kot lotel. Mwan menm SENYER; mwan ki konsakre li.

Levitik 21:8

Ou ava konsider bann pret koman sen, akoz zot ofer nouritir ou Bondye. Zot ava sen pour mwan SENYER, akoz mwan ki rann zot sen.

Amos 3:3

Eski de zonm i mars ansanm, si zot pa'n tonm dakor avan?

Matye 5:48

Zot alor, zot devre parfe parey zot Papa ki dan lesyel i parfe.

2 Korentyen 7:1

Mon bann zanmi! Tou sa bann promes i pour nou. Alor, annou pirifye nou kont tou sa ki sali lekor ek lespri. Annou fer tou pour vin konpletman sen, an vivan dan respe anver Bondye.

Efezyen 1:4

Avan ki i ti'n kree lemonn, Bondye ti swazir nou davans, par Zezi-Kri, koman son bann zanfan adoptif, pour ki nou sen e san repros devan li.

Deterononm 27:10

Alor, ou ava obei SENYER, ou Bondye, e met an pratik son bann komannman ek son bann regleman ki mon pe ordonn ou ozordi.

Zozye 24:19

Zozye ti dir lepep, “Zot pa pou kapab servi SENYER, akoz i en Bondye sen; en Bondye ki zalou avek pasyon; i pa pou pardonn zot, zot bann revolt e zot bann pese.

1 Samyel 2:2

Zis SENYER ki sen. Napa personn parey li. Okenn Ros protekter pa parey nou Bondye.