Levitik 19:18 - Labib An Kreol Seselwa

¹⁸ Ou pa pou vanze, ni gard rankin kont personn parmi ou pep; me ou devre kontan ou prosen parey ou menm. Mwan menm SENYER.

Levitik 19:18 ပူးပေါင်းရင်းမြစ်များ

Zenez 4:23

Lemek ti dir avek son bann fanm: Ada ek Sila ekout mwan. Zot bann fanm Lemek ekout byen sa ki mon dir: Mon'n touy en zonm pour blesir ki mon'n gannyen, e en zanfan, pour bate ki mon'n resevwar.

2 Samyel 13:22

Absalon ti ay Amnon pour sa krim ki i'n fer avek son ser Tamar. I pa ti koz ankor ditou avek li.

2 Samyel 13:28

Absalon ti donn sa lord son bann serviter, “Vey byen ler Amnon i soule avek diven, e mon ava dir: Tap Amnon! Zot ava touy li. Pa per, mwan ki donn zot lord. Pran kouraz, montre ki zot brav.”

Psonm 103:9

I pa touzour akiz nou; i pa gard rankin pour touzour.

Egzod 20:16

Ou pa pou donn okenn fo temwannyaz kont ou prosen.

Proverb 20:22

Pa dir: Mon pou rann lemal pour lemal. Met ou konfyans dan SENYER e i ava sov ou.

Levitik 19:34

Tret sa etranze ki'n vin reste kot ou koman en sitwayen parmi zot. Kontan sa etranze parey ou menm akoz ou osi, ou ti etranze dan pei Lezip: Mwan menm SENYER ou Bondye.

Matye 19:16

En zonm ti vin kot Zezi e demann li, “Met! Ki fodre mon fer ki bon, pour mwan ganny lavi eternel?”

Matye 19:19

onor ou papa ek ou manman; kontan ou prosen parey ou kontan ou prop lekor.”

Levanzil dapre Zan 13:34

Mon donn zot en komannman nouvo: Kontan kanmarad. Zot devre kontan kanmarad parey mwan mon'n kontan zot.

Akt de Zapot 16:28

Me Pol ti kriye avek tou son lafors, “Pa bezwen fer ou okenn dimal. Nou tou nou la.”

Romen 12:17

Pa rann personn mal pour mal. Me fer tou sa ki posib pour fer sa ki byen devan tou dimoun.

Romen 12:19

Mon bann zanmi! Pa fer zot prop vanzans, me les lakoler Bondye azir. Annefe, Senyer i deklare dan Lekritir: Mwan ki pou fer vanzans. Mwan ki pou fer peye.

Romen 13:4

Annefe, lotorite i dan servis Bondye pour li fer ou dibyen. Me si o kontrer ou fer sa ki mal, la alor, ou devre per, akoz pa pour nanryen ki i annan pouvwar pou pini. Lotorite i la koman en serviter Bondye pour egzekit lakoler Bondye lo tou malfeter.

Romen 13:9

Komannman ki dir: Pa komet adilter, pa fer krim, pa vole, pa anvi keksoz ou prosen. Tousala ek lezot ankor, i enkli dan sa sel komannman: Kontan ou prosen parey ou prop lekor.

Galat 5:14

Annefe, Lalwa antye i dan sa sel komannman: Ou ava kontan ou prosen parey ou prop lekor.

Galat 5:20

ladorasyon zidol, siperstisyon, laenn, diskord, zalouzi, lakoler, egoism, divizyon,

Efezyen 4:31

Debaras zot avek tou move santiman, iritasyon e lakoler. Fer disparet tou kriye ek lensilt. Pa bezwen annan okenn santiman mesanste.

Deterononm 32:25

Dimoun pou ganny masakre dan lari. Dan bann lakaz, zennzan, zenn fiy, pti baba ki ankor pe tete, vyeyar avek seve blan zot tou, zot pou mor avek lafreyer.

Deterononm 32:35

Mwan ki fer vanzans, mwan ki donn rekonpans zour zot lipye ava glise, akoz zour zot maler pa pe tarde, zot desten pe ariv an vites.

Kolosyen 3:8

Me aprezan, debaras zot avek tousala: Lakoler, vyolans ek mesanste. Pa les okenn parol kalonmni ek parol obsenn sorti dan zot labous.

Ebre 10:30

Annefe, nou konn sa enn ki ti deklare: Mwan ki pou fer vanzans, mwan ki pou donn lapey an retour. I'n osi dir: Senyer pou ziz son pep.

Let Zak 2:8

Byen sir, zot fer byen si zot obei lalwa Rwayonm Bondye. Parey Lekritir i deklare: Ou devre kontan ou prosen parey ou prop lekor.

1 Pyer 2:1

Alor, rezet, tou kalite mesanste, frod, lipokrizi, zalouzi ek medizans.

1 Zan 4:21

La komannman ki Bondye i'n donn nou: Sa enn ki kontan Bondye i devre osi kontan son frer.