Levitik 19:15 - Labib An Kreol Seselwa

¹⁵ Pa rann okenn zizman enzis; pa fer preferans pour sa enn ki pov, ni favoriz sa enn ki pwisan. Ou ava ziz ou prosen avek lazistis.

Levitik 19:15 ပူးပေါင်းရင်းမြစ်များ

Liv Zob 13:8

Eski zot vreman lo kote Bondye? Eski zot kapab defann li devan lakour?

Liv Zob 32:21

Mon pa pou montre preferans pour personn, e mon pa pou flat personn.

Liv Zob 34:19

Bondye pa fer lapreferans pour bann sef; i pa montre lapreferans ant ris ek pov parey, akoz zot tou le de, zot ti ganny kre par li.

Psonm 82:2

Kan eski zot pou arete donn bann zizman enzis e fer preferans pour bann ki koupab?

Egzod 18:21

Ou ava swazir bann zonm kapab parmi lepep, bann zonm ki annan respe pour Bondye, bann zonm ki ou kapab fer konfyans e ki pa malonnet. Plas zot koman sef group 1,000, 100, 50 ek group 10.

Proverb 18:5

I pa byen donn rezon sa enn ki koupab; oubyen refiz enn ki zis, son drwa

Proverb 24:23

La ankor bann konsey sorti kot bann saz: I pa bon donn fo zizman.

Proverb 31:9

Koze! Ziz avek lazistis. Defann lakoz bann pov ek bann dezerite.

Levitik 19:35

Ou pa devret azir an malonnet dan mezir longer, pwa oubyen kantite.

Levanzil dapre Zan 7:24

Aret ziz lo laparans, me ziz dapre lazistis.”

Akt de Zapot 23:3

Alor Pol ti dir li, “Bondye ki pou kalot ou, miray blansi! Ou pe asiz la pour ziz mwan dapre Lalwa. Me ou menm, ou kas Lalwa, ler ou donn lord kalot mwan.”

Deterononm 1:17

Zot pa devre fer preferans dan zot desizyon; ekout sa enn ki pti koman sa enn ki gran; pa per personn, akoz zizman i sorti kot Bondye. Bann ka ki tro difisil pour zot, anmenn kot mwan e mon ava ekoute.

Deterononm 10:17

SENYER, zot Bondye i Bondye tou lezot bondye e SENYER tou senyer. I sa pli gran Bondye pwisan e terib ki pa fer preferans e i pa aksepte gous.

Deterononm 16:19

Ou pa devre fos lazistis; ou pa devre ziz dapre laparans. Ou pa devre aksepte gous, akoz gous i bous lizye en saz e i fos desizyon en zonm zis.

Deterononm 27:19

Malediksyon lo sa enn ki priv en etranze, en orfelen e en vev zot drwa. Lepep ava dir: Amenn!