Levitik 19:14 - Labib An Kreol Seselwa

¹⁴ Ou pa pou ensilte en dimoun ki sourd ni met en lobstak devan en aveg. Ou ava annan respe pour ou Bondye. Mwan menm SENYER.

Levitik 19:14 ပူးပေါင်းရင်းမြစ်များ

Zenez 42:18

Trwazyenm zour, Zozef ti dir zot, “La sa ki fodre zot fer pour zot reste vivan. Mon annan respe pour Bondye:

Nehemi 5:15

Bann gouverner avan mwan, ti enpoz gro fardo lo lepep. Zot ti reklanm manze, diven, avek anplis, 40 pyes larzan. Menm zot bann serviter ti domin lepep. Me mwan, mon pa ti fer sa, par respe pour Bondye.

Psonm 111:10

Konmansman lasazes i respe anver SENYER. Sa enn ki annan bon zizman i swiv sa. Laglwar SENYER i dire pour touzour.

Levitik 19:15

Pa rann okenn zizman enzis; pa fer preferans pour sa enn ki pov, ni favoriz sa enn ki pwisan. Ou ava ziz ou prosen avek lazistis.

Levitik 19:32

Ou ava lev debout devan en dimoun aze e respekte en vyeyar; ou ava annan respe pour ou Bondye. Mwan menm SENYER.

Levitik 25:17

Zot pa pou tronp kanmarad. Zot ava montre respe pour zot Bondye. Mwan menm SENYER zot Bondye.

Romen 12:14

Demann Bondye beni bann ki persekit zot; demann li pour beni zot, pa pour modi zot.

Romen 14:13

Alor, annou arete ziz nou prosen. Plito deside pa met devan nou frer, nanryen ki pou ofans li, oubyen fer li tonm dan pese.

1 Korentyen 10:32

Viv dan en fason ki ou pa ofans personn, ni Zwif, ni non-Zwif, ni personn dan Legliz Bondye.

Deterononm 27:18

Malediksyon lo sa enn ki egar en aveg lo semen. Lepep ava dir: Amenn!

1 Pyer 1:17

Kan zot priye, zot apel Bondye koman zot Papa. I pa fer okenn preferans, e i ziz sak dimoun dapre sa ki i'n fer. Alor, pandan sa letan ki reste pour zot lo later, montre ki zot annan respe pour li, par zot mannyer viv.

1 Pyer 2:17

Annan respe pour tou dimoun. Kontan zot bann frer dan lafwa. Ador Bondye e annan respe pour lerwa.

Revelasyon 2:14

Sepandan, mon annan detrwa repros pour fer ou: Ou annan kot ou serten dimoun ki atase avek lansennyman Balaanm. I ti montre Balak konman pour fer bann Izraelit tonm dan pese: I ti fer zot manz lavyann ki'n ganny ofer avek zidol e fer zot pratik limoralite seksyel.