Levitik 19:12 - Labib An Kreol Seselwa

¹² Ou pa devre fer fo serman an servan mon non; ou ava pe dezonor non ou Bondye. Mwan menm SENYER.

Levitik 19:12 ပူးပေါင်းရင်းမြစ်များ

Psonm 15:4

me i rezet bann malfeter, e i onor sa enn ki annan respe pour SENYER. I gard son promes, i annan en sel parol.

Egzod 20:7

Ou pa pou pronons non SENYER ou Bondye an bonnavini. Annefe SENYER pa pou pardonn sa enn ki pronons son non an bonnavini.

Ezai 48:1

Desandan Zakob, zot ki port non Izrael, e zot ki sorti dan leren Zida! Ekoute. Zot ki pret serman lo non SENYER e envok Bondye Izrael, me zot pa ni senser, ni lwayal.

Zeremi 34:16

Me alor, zot pa'n gard zot parol e zot in dezonor mon non: Sakenn parmi zot in repran son lesklav; zonm koman fanm, ki zot ti'n libere. Zot in ganny forse travay ankor koman lesklav.

Zeremi 4:2

Si ou deklare senserman, e an verite: Mon fer serman devan SENYER ki vivan; alor, tou lezot nasyon ava demann mwan beni zot e zot ava loue mwan.

Zeremi 5:2

Kan zot deklare: Mon fer serman, lo non SENYER ki vivan, zot pe fer en fo serman.

Zeremi 7:9

Zot vole, zot fer krim, zot komet adilter, zot fer fo serman, zot ofer sakrifis Baal, e zot ador bann bondye ki zot pa konnen.

Levitik 18:21

Ou pa pou ofer enn ou zanfan an sakrifis avek Molek. Sa i ava dezonor non ou Bondye. Mwan menm SENYER.

Levitik 20:3

Mwan menm, mon pou tourn kont sa zonm. Mon pou sas li parmi mon pep akoz in donn enn son zanfan bondye Molek, rann enpir mon sanktyer e dezonor mon non sen.

Levitik 24:11

Garson sa fanm Izraelit ti blasfenm non SENYER e ensilte li. I ti ganny anmennen devan Moiz. Sa fanm Izraelit ti apel Selomit, fiy Dibri, sorti dan tribi Dann.

Levitik 6:3

oubyen si i konsern en lobze perdi ki i'n trouve, me i dir pa vre; oubyen ankor i fer en fo serman, pour li kasyet nenport sa bann pese ki zonm i kapab komet.

Zakari 5:3

Alor, i ti dir mwan, “Sa i malediksyon ki pe fann partou dan pei. Lo en kote in ekri ki tou voler pour ganny sase; lo lot kote, ki tou dimoun ki fer fo serman pou ganny eliminen.”

Zakari 5:4

La sa ki SENYER liniver i deklare: Mon'n lans sa malediksyon; i pou antre dan lakaz sa voler e dan lakaz sa enn ki'n fer fo serman lo mon non. I pou reste dan sa lakaz e detri tou; menm son bann poto ek son bann ros.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Deterononm 5:11

Ou pa pou pronons non SENYER, ou Bondye anven, akoz SENYER pa pou pardonn personn ki servi son non anven.

Let Zak 5:12

Me avan tou, mon bann frer! Pa bezwen fer serman ni par lesyel, ni par later, ni par okenn fason. Zot wi, i devre wi, e zot non, i devre non, pour ki zot pa tonm anba zizman Bondye.