Levitik 19:11 - Labib An Kreol Seselwa

¹¹ Pa vole; pa koz manti, ni tronp ou prosen.

Levitik 19:11 ပူးပေါင်းရင်းမြစ်များ

2 Samyel 17:20

Bann serviter Absalon ti ariv kot sa fanm. Zot ti demann li, “Oli Ahimas ek Zonatan?” Sa fanm ti reponn, “Zot in travers lot kote larivyer.” Bann zonm ti rode, me ler zot pa ti trouv personn, zot ti retourn Zerizalenm.

1 Rwa 13:18

I ti dir li, “Mwan osi mon en profet parey ou; en lanz ki ti dir mwan dapre parol SENYER: Anmenn li se ou pour ki i manz en pe e bwar en pe delo.” Me i ti pe manti avek li.

Psonm 101:7

Sa enn ki tronp dimoun pa pou reste dan mon lakaz. Napa plas dan mon lakaz pour sa enn ki tronp son prosen. Bann manter pa pou kontinyen reste dan mon prezans.

Psonm 116:11

Dan mon dezespwar mon ti dir: Zonm i manter.

Egzod 20:15

Ou pa pou vole.

Egzod 20:16

Ou pa pou donn okenn fo temwannyaz kont ou prosen.

Egzod 20:17

Ou pa pou anvi lakaz ou prosen; ou pa pou anvi fanm ou prosen, ni son serviter, ni son servant, ni son bef, ni son bourik, ni okenn keksoz ki pour ou prosen.

Egzod 22:1

Si en zonm i vol en toro oubyen en mouton, e touy li oubyen vann li, i ava pey an konpansasyon, senk toro pour en toro e kat mouton pour en mouton. Si i pa kapab, i ava ganny vann pour son vol.

Egzod 22:7

Si en dimoun i donn son prosen larzan, oubyen bann lobze pour li garde, e sa bann lobze i ganny vole dan son lakaz; si sa voler i ganny atrape, i ava pey doub sa ki i'n vole.

Egzod 23:1

Ou pa pou fann fo rimer. Ou pa devre alye ou avek fo temwen pour defann en koupab.

Proverb 24:28

Pa temwanny san rezon kont ou vwazen; e pa koz manti.

Zeremi 6:13

Gran koman pti, pe fer tou pour zot vin ris dan fason malonnet. Depi bann profet ziska bann pret, zot tou, zot koz manti.

Levitik 19:10

Ou pa pou retournen pour ranmas bann grap rezen ki ti'n reste lo pye, ni bann ki ti'n tonbe. Ou ava les sa pour bann pov ek bann etranze. Mwan menm SENYER ou Bondye.

Romen 3:4

Non! Sertennman pa. Fodre rekonnet ki Bondye i azir selon laverite, menm si tou et imen i manter. Annefe, Lekritir i deklare: Ou devre ganny rekonnet vre par ou parol e ganny ou zafer si ou ganny zize.

Efezyen 4:25

Pour sa rezon, rezet tou mansonz! Sakenn i devre dir laverite avek son prosen, akoz nou tou, nou manm en menm lekor.

Efezyen 4:28

Sa enn ki abitye vole, fodre i aret vole e travay pour ganny son lavi onnetman, e ganny dekwa pour ed bann pov.

Deterononm 5:19

Ou pa pou komet okenn vol.

Kolosyen 3:9

Pa koz manti ant zot, akoz zot in abandonn zot vye natir avek son bann move pratik.

1 Timote 1:10

pour dimoun ki viv dan limoralite, bann omoseksyel, bann ki fer trafik lesklav, bann manter, bann ki fer fo serman e bann ki fer toudsort keksoz kontrer avek prensip ek lansennyman kretyen.

Revelasyon 21:8

Me pour bann las, bann enfidel, bann dimoun degoutan, bann kriminel, bann prostitye, bann sorsye, bann adorater zidol, ek tou bann manter, zot plas pou dan lak dife ek souf. Sa i dezyenm lanmor.