Levitik 19:10 - Labib An Kreol Seselwa

¹⁰ Ou pa pou retournen pour ranmas bann grap rezen ki ti'n reste lo pye, ni bann ki ti'n tonbe. Ou ava les sa pour bann pov ek bann etranze. Mwan menm SENYER ou Bondye.

Levitik 19:10 ပူးပေါင်းရင်းမြစ်များ

Ezai 17:6

Pa pou reste bokou keksoz dan Izrael. Sa pei pou parey en pye zoliv apre rekolt, ler in ganny sekwe pour ranmas son fri e i reste anler dan leker apre rekolt, detrwa fri e dan brans ki pli gran, ankor detrwa dan bann bout brans. SENYER Bondye Izrael ki deklare.

Ezai 24:13

La ki mannyer pei pou ete e ki pou arive parmi bann nasyon: I pou parey pye zoliv ki'n ganny plimen pandan letan rekolt, parey letan dernyen grap rezen in ganny rekolte.

Zeremi 49:9

Dimoun ki vin ranmas grap rezen, pa pran tou rezen. Kan voler i vini dan lannwit, i pran zis sa ki i oule.

Levitik 11:44

Mwan menm SENYER zot Bondye. Alor, zot devre sen, akoz mwan mon sen. Pa rann zot enpir avek tou sa bann pti bebet ki ranpli later.

Levitik 19:11

Pa vole; pa koz manti, ni tronp ou prosen.

Levitik 19:25

Dan senkyenm lannen, zot ava kapab manz fri. Konmsa ki zot rekolt ava ogmante: Mwan menm SENYER zot Bondye.

Levitik 19:9

Kan ou fer rekolt lo ou later, ou pa pou ranmas ziska dan bor ou plantasyon, ni retournen pour ranmas sa ki'n reste.

Levitik 23:22

Kan zot ava fer rekolt lo zot later, zot pa pou koup bann zepi ki'n pous lo balizaz, ni ranmas sa ki reste apre rekolt. Zot ava les sa pour bann pov ek bann etranze. Mwan menm SENYER zot Bondye.

Levitik 25:6

Me sa ki later ava prodwir, ava vin nouritir pour ou, ou bann serviter, ou bann servant, ou bann anplwaye, bann viziter ki reste kot ou. Zot ava kapab manz sa ki later ava donnen pandan sa lannen sabatik.

Abdyas 1:5

Si voler oubyen kaser lakaz i pas kot ou aswar, ki mannyer ou pou kapab reste trankil? Pa zot pou pran tou sa ki zot kapab? Si bann zouvriye i vin rekolte rezen dan ou plantasyon, pa zot pou kit zis bann pti grap dan pye?

Mise 7:1

Gran maler lo mwan! Mon'n vin parey sa enn ki, apre rekolt fri lete, apre ki lasezon rezen in fini, napa en sel grap pour manze, ni en sel fig kont sezon ki mon kontan.

Deterononm 24:19

Kan ou fer larekolt e ki ou oubliye anmas en pake zepi, ou pa pou retournen pour al sers sa bann zepi. Zot ava reste pour sa etranze, sa orfelen ek sa vev. Konmsa, SENYER, ou Bondye ava beni ou dan tou sa ki ou ava antreprann.

Deterononm 24:20

Kan ou sekwe bann zoliv dan pye, pa retournen pour rekolte sa ki reste lo pye. I ava pour sa etranze, sa orfelen ek sa vev.

Deterononm 24:21

Kan ou rekolte rezen dan ou plantasyon, pa retournen pour rekolte sa ki'n reste lo pye. I ava pour sa etranze, sa orfelen ek sa vev.

Ziz 8:2

Zedeon ti dir zot, “Kwa ki mon'n fer konpare avek zot? Grapiyaz rezen Efraim pa i vo plis ki rekolt Abiezer?

Rit 2:2

Rit, sa Moabit, ti dir avek Naomi, “Les mwan al dan plantasyon e mon ava ranmas bann zepi mai deryer en travayer ki ava dakor pour fer mwan sa faver.” Naomi ti reponn li, “Ale, mon fiy.”