Levitik 18:27 - Labib An Kreol Seselwa

²⁷ Bann zabitan ki ti pe reste dan sa pei avan zot in komet sa bann aksyon degoutan e zot in rann sa pei enpir.

Levitik 18:27 ပူးပေါင်းရင်းမြစ်များ

1 Rwa 14:24

Ti annan menm bann prostitye sakre dan pei. Zot ti imit bann pratik degoutan bann nasyon ki SENYER ti'n sase devan Izrael.

2 Rwa 16:3

Me i ti fer parey bann lerwa Izrael e i ti menm ofer an sakrifis son garson, dapre bann pratik degoutan bann nasyon ki SENYER ti'n sase devan pep Izrael.

2 Rwa 21:2

Manase ti fer sa ki depler SENYER, i ti pratik bann aksyon degoutan parey bann nasyon ki SENYER ti'n sase devan pep Izrael.

2 Kronik 36:14

Tou bann sef parmi bann pret e parmi lepep, ti vin pli enfidel anver Bondye e zot ti imit bann nasyon dan zot bann pratik degoutan. Zot ti profann tanp SENYER, ki i ti'n konsakre, dan Zerizalenm.

Ezekyel 16:50

Zot ti orgeye e zot ti fer keksoz degoutan devan mwan; kan mon ti war sa, mon ti detri zot.

Ezekyel 22:11

Kot ou, i annan ki komet bann aksyon degoutan avek fanm zot prosen; i annan ki abiz zot belfiy; i annan ki dormi avek zot demi ser, fiy zot papa.

Oze 9:10

Mon ti trouv pep Izrael konmsi zot ti rezen dan dezer. Mon ti war zot zanset konmsi ti bann premye fig lo pye. Me zot ti al ver Baal-Peor. Zot ti konsakre zot avek en lobze laont, zot in vin degoutan parey sa bann lobze ki zot kontan.

Levitik 18:24

Pa rann zot enpir par okenn sa bann pratik. Se akoz sa bann pratik ki mon pe sas devan zot, sa bann nasyon ki'n rann zot enpir.

Levitik 18:26

Zot ava gard mon bann lalwa ek mon bann regleman. Okenn Izraelit, okenn etranze ki pe viv parmi zot, pa devre komet sa bann aksyon degoutan.

Levitik 18:28

Konmsa, zot pa ava rann sa pei enpir; e sa pei pa pou vomi zot, parey i ti fer anver bann nasyon ki ti la avan zot.

Deterononm 20:18

Konmsa, zot pa pou kapab fer ou imit tou sa bann aksyon degoutan ki zot fer an loner zot bondye e fer ou komet pese kont SENYER, zot Bondye.

Deterononm 23:18

Ou pa pou anmenn dan tanp SENYER, ou Bondye, okenn larzan prostitisyon koman en lofrann remersiman pour nenport ki ve. Tousala i degoutan devan SENYER, ou Bondye.

Deterononm 25:16

Annefe, SENYER, ou Bondye i deteste dimoun ki azir an malonnet.

Deterononm 27:15

Malediksyon lo sa enn ki fabrik en zidol oubyen ki fer en stati. Sa travay ki en artizan in fer, ki'n ganny plase dan en landrwa sekre, i en lobze degoutan devan SENYER. Lepep ava reponn: Amenn!