Levitik 18:25 - Labib An Kreol Seselwa

²⁵ Pei osi in vin enpir. Mon'n pini li akoz son bann fot e pei menm ti vomi son bann zabitan.

Levitik 18:25 ပူးပေါင်းရင်းမြစ်များ

1 Rwa 21:26

I ti komet bann aksyon degoutan e ador bann zidol, parey bann Amorit ki Bondye ti detri devan pep Izrael.

Esdras 9:11

Nou'n abandonn ou bann komannman ki ou'n donnen par lentermedyer ou bann serviter ou bann profet kan ou ti dir: Sa pei kot ou pe antre pour pran posesyon, i en pei enpir akoz bann pratik degoutan par bann pep ki'n reste la.

Psonm 106:38

Zot ti fer disan inosan koule; disan zot prop garson, zot prop fiy, ki zot ti ofer an loner bann zidol Kanaan; e pei ti ganny sali avek disan.

Psonm 89:32

alor, mon ava pini zot avek en roten e mon ava fwet zot pour zot bann fot.

Ezai 24:5

Bann zabitan in polye later akoz zot in transgres bann lalwa e vyol bann regleman. Zot in kas bann lalyans ki ti devre reste pour touzour.

Ezai 26:21

La SENYER pe sorti kot i ete pour li pini bann zabitan later pour zot bann forfe. Later ava les war disan ki'n koule; i pou nepli kasyet son bann viktim.

Zeremi 14:10

La sa ki SENYER i deklar avek sa pep: Wi, sa pep i kontan marsaye e al kot i anvi. Me sa pa fer plezir SENYER. Mon pa pou oubliy pese ki i'n fer. Mon pou pini li pour sa.

Zeremi 16:18

Me avan sa, mon pou fer zot pey doub pour zot move mannyer fer e pour zot pese, akoz zot in sali mon pei avek zot bann zidol degoutan. Zot in ranpli mon landrwa avek zot bann fo zidol.

Zeremi 2:7

Mon'n fer zot antre dan en pei avek plantasyon fri, pour zot manz son bann fri e zouir son bann prodwi. Me kan zot ti vin dan mon pei, zot in fer li vin enpir, Zot in rann mon patrimwann degoutan.

Zeremi 23:2

Akoz tousala, la sa ki SENYER, Bondye Izrael, i deklare kont sa bann berze ki sipoze pran swen son pep: Zot pa'n okip mon troupo; zot in dispers li dan tou kote. Alor, mwan ki pou okip zot e pini zot mannyer fer, SENYER i deklare.

Zeremi 5:29

Pa fodre mon pini sa bann dimoun pour sa, SENYER i deklare? Pa fodre mon revanze kont en nasyon parey?

Zeremi 5:9

Pa i'n ler pour mwan pini zot pour tousala, SENYER i deklare? Pa mon bezwen pran mon revanz lo en tel nasyon?

Zeremi 9:9

Bann zans parey, pa mon pou bezwen fer zot rann kont? Pa mon pou bezwen tir mon vanzans lo en tel nasyon?

Oze 2:13

Mon pou fer li peye pour letan ki i'n pase avek bann Baal. I ti ofer zot lansan. I ti abiye dan bag ek kolye pour zot. I ti swiv son bann galan, me mwan, i ti oubliye. SENYER ki deklare.

Oze 8:13

Menm si zot ofer sakrifis, menm si zot manz lavyann, SENYER pa pe aksepte zot. Aprezan, in rapel zot krim, e fer zot peye pour zot pese. Zot pou retourn Lezip.

Oze 9:9

Zot in tonm pli ba dan lemal, parey Gibea lontan. Bondye i rapel zot krim, i pou fer zot rann kont zot pese.

Levitik 18:26

Zot ava gard mon bann lalwa ek mon bann regleman. Okenn Izraelit, okenn etranze ki pe viv parmi zot, pa devre komet sa bann aksyon degoutan.

Levitik 18:28

Konmsa, zot pa ava rann sa pei enpir; e sa pei pa pou vomi zot, parey i ti fer anver bann nasyon ki ti la avan zot.

Romen 8:22

Nou konnen, annefe, ki ziska aprezan, lakreasyon antye pe soupire e soufer parey en fanm ki pe akouse.

Deterononm 18:12

Annefe, SENYER pa kontan sa enn ki fer sa bann keksoz. Se akoz sa bann pratik degoutan ki SENYER, ou Bondye pou sas sa bann nasyon devan ou.

Deterononm 21:23

Me fodre pa ki son kadav i reste anpandan tou lannwit. Ou devre anter li menm zour, akoz en lekor ki reste anpandan, i anmenn malediksyon Bondye. Ou pa kapab rann enpir later ki SENYER, ou Bondye pou donn ou an posesyon.

Deterononm 9:5

Ou pa pe al pran posesyon sa pei akoz ou zis, oubyen akoz ou leker i drwat, me akoz mesanste sa bann nasyon ki SENYER, ou Bondye pe al pran avek zot tou sa ki zot annan. Konmsa, promes ki SENYER ti fer avek ou bann zanset Abrahanm, Izaak ek Zakob, ava ganny akonpli.