Levitik 18:24 - Labib An Kreol Seselwa

²⁴ Pa rann zot enpir par okenn sa bann pratik. Se akoz sa bann pratik ki mon pe sas devan zot, sa bann nasyon ki'n rann zot enpir.

Levitik 18:24 ပူးပေါင်းရင်းမြစ်များ

Zenez 15:16

Katriyenm zenerasyon ou desandans pou retourn isi, akoz kriyote bann Amorit pa ankor ariv lo son nivo.”

1 Rwa 9:7

mon pou retir Izrael dan sa pei ki mon'n donn zot, e mon pou rezet sa Lakaz ki mon'n konsakre pour mon non. Izrael ava vin en size ridikil e en fab parmi bann nasyon.

2 Kronik 33:2

I ti fer sa ki mal devan SENYER. I ti swiv tou bann pratik degoutan parey lezot bann nasyon ki SENYER ti'n fer disparet devan bann Izraelit.

Esdras 9:1

Apre sa bann levennman, bann sef Izraelit ti apros mwan. Zot ti dir: Pep Izrael, bann pret ek bann levit pa ti reste separe avek bann zabitan sa bann pei. Zot in swiv bann pratik degoutan bann Kananeen, Hitit, Perizit, Zebizit, Amonit, Moabit, Ezipsyen, ek Amorit.

Psonm 106:39

Par sa bann aksyon, zot ti'n vin enpir e zot ti vin bann prostitye par zot mannyer fer.

Zeremi 44:4

Pourtan, mwan, mon pa'n arete anvoy zot mon bann serviter, bann profet ki ti dir zot pa fer sa bann keksoz degoutan ki mon pa kontan.

Ezekyel 36:17

Ou ki en imen, ekoute! Kan pep Izrael ti ankor pe viv dan son pei, i ti fer sa pei vin enpir par son konportman ek son bann aksyon. Son kondwit ti enpir parey disan en fanm dan son reg.

Levitik 18:3

Pa imit bann pratik ki ganny fer Lezip kot zot ti reste, ni sa ki ganny pratike dan pei Kanaan kot mon pe anmenn zot. Fodre pa swiv zot bann pratik.

Levitik 18:30

Alor, zot ava gard tou sa ki mon'n ordonn zot. Pa pratik sa bann aksyon degoutan ki ti ganny komet avan zot. Konmsa, zot pa ava rann zot enpir. Mwan menm SENYER zot Bondye.

Nonm 35:34

Pa bezwen rann enpir later kot ou reste, e kot mon reste, akoz mwan SENYER mon reste parmi pep Izrael.

1 Korentyen 3:17

Si en dimoun i detri tanp Bondye, Bondye pou detri li. Annefe, tanp Bondye i sen, e zot ki sa tanp.

Deterononm 12:31

Ou pa pou azir konmsa anver SENYER, ou Bondye, akoz sa bann nasyon in fer toudsort keksoz degoutan pour zot bann bondye ki SENYER i deteste. Zot ti menm bril zot bann garson ek zot bann fiy an sakrifis, an loner zot bann bondye.

Deterononm 18:12

Annefe, SENYER pa kontan sa enn ki fer sa bann keksoz. Se akoz sa bann pratik degoutan ki SENYER, ou Bondye pou sas sa bann nasyon devan ou.

Deterononm 9:4

Kan SENYER, ou Bondye ava'n sas zot devan ou, pa dir dan ou menm: Si SENYER in anmenn mwan isi pour okip sa pei, sa i akoz mon zis; me plito, akoz mesanste sa bann nasyon ki devan ou, SENYER in pran tou sa ki zot annan.

Deterononm 9:5

Ou pa pe al pran posesyon sa pei akoz ou zis, oubyen akoz ou leker i drwat, me akoz mesanste sa bann nasyon ki SENYER, ou Bondye pe al pran avek zot tou sa ki zot annan. Konmsa, promes ki SENYER ti fer avek ou bann zanset Abrahanm, Izaak ek Zakob, ava ganny akonpli.

Ziz 20:10

Dan tou bann tribi Izrael, nou ava pran 10 zonm lo 100, 100 lo 1,000 e 1,000 lo 10,000. Zot ava al rod bann provizyon pour bann zonm pour ki ler zot retournen, nou ava al atak Givea dan teritwar Benzamen e pini li dapre sa aksyon degoutan ki son bann zabitan in komet dan Izrael.”

Ziz 20:5

Bann sef lavil Gibea ti leve kont mwan; e dan lannwit, zot ti antour lakaz kot mon ti ete. Zot ti annan lentansyon touy mwan, me zot ti abiz mon menazer e in mor akoz sa.

Ziz 20:6

Mon ti pran mon menazer; mon ti dekoup li an morso ki mon ti anvoy partou dan tou teritwar ki form patrimwann Izrael. Annefe, zot ti'n komet en akt imoral, en aksyon degoutan dan Izrael.