Levitik 18:2 - Labib An Kreol Seselwa

² Dir avek pep Izrael: Mwan menm SENYER zot Bondye.

Levitik 18:2 ပူးပေါင်းရင်းမြစ်များ

Zenez 17:7

“Mon pou etabli mon lalyans ant mwan ek ou e avek ou desandans apre ou, atraver tou zot zenerasyon. Sa lalyans ava dire pour touzour. Mon pou vin ou Bondye e Bondye tou ou desandans apre ou.

Psonm 33:12

I byennere sa nasyon ki annan SENYER koman son Bondye! I byennere sa pep ki SENYER in swazi pour son patrimwann!

Egzod 20:2

Mwan menm SENYER ou Bondye, ki ti delivre ou Lezip dan lesklavaz.

Egzod 6:7

Mon pou fer zot vin mon pep, e mon pou vin zot Bondye, pour ki zot konnen ki se mwan menm SENYER, zot Bondye ki'n fer zot sorti anba latas bann Ezipsyen.

Ezekyel 20:5

Dir zot: La sa ki Senyer BONDYE i deklare: Zour mon ti swazir pep Izrael, mon ti fer en serman avek bann desandan Zakob. Mon ti fer zot konn mwan Lezip; mon ti fer en serman; lanmen leve, mon ti dir: Mwan menm SENYER zot Bondye.

Ezekyel 20:7

Mon ti dir zot: Sakenn parmi zot, abandonn sa bann lobze degoutan ki zis atir regar! Pa rann zot enpir avek bann zidol Lezip. Mwan menm Senyer BONDYE.

Levitik 11:44

Mwan menm SENYER zot Bondye. Alor, zot devre sen, akoz mwan mon sen. Pa rann zot enpir avek tou sa bann pti bebet ki ranpli later.

Levitik 18:1

SENYER ti koz avek Moiz:

Levitik 18:30

Alor, zot ava gard tou sa ki mon'n ordonn zot. Pa pratik sa bann aksyon degoutan ki ti ganny komet avan zot. Konmsa, zot pa ava rann zot enpir. Mwan menm SENYER zot Bondye.

Levitik 18:4

Zot ava met an pratik mon bann lalwa e swiv mon bann regleman. Mwan menm SENYER zot Bondye.

Levitik 19:10

Ou pa pou retournen pour ranmas bann grap rezen ki ti'n reste lo pye, ni bann ki ti'n tonbe. Ou ava les sa pour bann pov ek bann etranze. Mwan menm SENYER ou Bondye.

Levitik 19:34

Tret sa etranze ki'n vin reste kot ou koman en sitwayen parmi zot. Kontan sa etranze parey ou menm akoz ou osi, ou ti etranze dan pei Lezip: Mwan menm SENYER ou Bondye.

Levitik 20:23

Zot pa pou swiv bann pratik sa nasyon ki mon pou sas devan zot. Akoz zot in pratik tousala, ki zot in vin degoutan pour mwan.

Levitik 20:7

Alor, konport zot koman bann sen, akoz mwan menm SENYER zot Bondye.