Levitik 17:7 - Labib An Kreol Seselwa

⁷ Konmsa, zot ava arete ofer zot sakrifis avek bann bondye dan laform bouk avek ki zot fer prostitisyon. Sa i ava en regleman pour zot, pour tou bann zenerasyon.

Levitik 17:7 ပူးပေါင်းရင်းမြစ်များ

2 Kronik 11:15

Zeroboanm ti swazir son bann prop pret pour bann landrwa sakre pour servi bann fo bondye dan laform bouk ek toro ki i ti'n fabrike.

Psonm 106:37

Zot ti ofer zot prop garson ek zot bann fiy koman sakrifis avek bann demon.

Psonm 106:39

Par sa bann aksyon, zot ti'n vin enpir e zot ti vin bann prostitye par zot mannyer fer.

Egzod 22:19

Sa enn ki dormi avek en zannimo ava ganny touye.

Egzod 22:20

Sa enn ki ofer sakrifis en lot bondye apard mwan, SENYER, ava ganny detri konpletman.

Egzod 27:21

Aaron avek son bann garson ava plas sa portlanp devan sa rido ki maske Kof lalyans, pour ki i alimen devan SENYER depi bomaten ziska aswar. Sa regleman ava pour touzour, pour tou zenerasyon bann Izraelit.

Egzod 32:8

Zot pa'n tarde pour sanz semen ki mon ti'n ordonn zot; zot in fer en pti toro annor. Zot in prostern devan li e ofer li sakrifis. Zot in dir: Izrael! La zot bann bondye ki'n tir zot dan Lezip.”

Egzod 34:15

Pa fer okenn lalyans avek bann zabitan sa pei, akoz si ou prostitye avek zot bann bondye e ofer zot bann sakrifis, zot ava kapab envit ou e manz sakrifis ki zot ofer zot bondye.

Zeremi 3:1

La sa ki SENYER i deklare: Kan en zonm i divorse avek son fanm, e sa fanm i kit li pour en lot zonm, son mari pou kapab repran li ankor? Si i fer sa, pa i pe rann pei enpir? Sa ki Izrael in fer: In prostitye li avek en kantite lanmoure. Aprezan i oule retourn kot mwan!

Ezekyel 23:3

Kan zot ti ankor zenn e pe viv Lezip, zot ti tonm dan prostitisyon. Zot ti les zonm tripot avek zot tete e kares zot lekor zenn fiy.

Ezekyel 23:8

I ti kontinyen dan prostitisyon depi Lezip, kan i ti ankor zenn. Bann zonm ti dormi avek li, kares son lekor zenn fiy e antrenn li dan prostitisyon.

Levitik 17:8

Ou ava osi dir zot: Si en Izraelit oubyen en etranze ki viv parmi zot, i ofer en sakrifis konplet, ouswa nenport ki lot sakrifis,

Levitik 20:5

mwan menm, mon pou tourn kont li e kont son fanmir. Mon pou sas li parmi son pep, li avek tou sa bann ki'n swiv li pour al fer prostitisyon avek Molek.

Levitik 3:17

Zot pa devre manz ni lagres, ni disan. Sa i en lalwa pour touzour, pour tou zot bann zenerasyon, partou dan nenport landrwa kot zot ava reste.

Levanzil dapre Zan 12:31

Aprezan i'n ler pour lemonn ganny zize. Aprezan, sef lemonn pou ganny zet deor.

Levanzil dapre Zan 14:30

Mon pa pou koz plis ki sa avek zot, akoz sa enn ki gouvern lemonn pe vini. I napa okenn pouvwar lo mwan.

1 Korentyen 10:20

Non, sakrifis ki zot ofer, i ganny ofer avek bann demon, pa avek Bondye. Mon pa oule ki zot an kominyon avek bann demon.

2 Korentyen 4:4

Pour bann ki pa krwar, bondye sa lemonn in avegle zot lentelizans; i'n anpes zot war lalimyer Bonn Nouvel mazeste Kris, ki resanblans Bondye li menm.

Efezyen 2:2

Zot ti pe viv dapre mannyer lemonn. Zot ti pe obeir sef bann pwisans dan lespas, sa menm lespri ki aprezan pe travay dan dimoun ki pe opoz Bondye.

Deterononm 31:16

SENYER ti dir Moiz: Byento ou pe al rezwenn ou bann zanset e sa pep pou tonm dan prostitisyon avek bann bondye etranze ki dan sa pei kot zot pe ale. Zot pou abandonn mwan e kas mon lalyans ki mon ti fer avek zot.

Deterononm 32:17

Zot ti ofer sakrifis avek bann demon, pa anver Bondye, anver bann bondye ki zot pa'n zanmen konnen, anver bann bondye ki zot ti'n fek dekouver, ki zot bann zanset pa ti adore.

Revelasyon 9:20

Lezot zonm ki pa ti ganny touye par bann fleo, pa ti abandonn sa ki zot ti'n fer. Zot pa ti aret ador bann demon ek bann zidol annor, annarzan, an bronz, an pyer e an bwa ki pa kapab ni war, ni tande, ni marse.