Levitik 17:4 - Labib An Kreol Seselwa

⁴ si i pa prezant li devan Latant Rankont pour ofer SENYER sakrifis devan demer SENYER, i ava ganny konsidere koman koupab pour fer koule disan en et vivan. Sa zonm ava ganny rezete parmi son pep.

Levitik 17:4 ပူးပေါင်းရင်းမြစ်များ

Zenez 17:14

En mal ki pa'n ganny sirkonsi dan son laser pou ganny separe parmi son pep, akoz in kas mon lalyans.”

Psonm 32:2

Zot byennere bann ki SENYER i konsider inosan e ki napa okenn lespri tronper!

Egzod 12:15

Pandan set zour, zot pou manz dipen san lelven. Depi premye zour, zot devre tir tou lelven dan zot lakaz. Si en dimoun i manz dipen kwi avek lelven ant premye zour ek setyenm zour, i pou ganny sase parmi pep Izrael.

Egzod 12:19

Pandan set zour pa devre annan okenn lelven dan zot lakaz. Si okenn dimoun i manz keksoz avek lelven, ki i en etranze oubyen en sitwayen, i ava ganny sase parmi pep Izrael.

Egzod 30:33

En dimoun ki imit sa reset e ki vers li lo en dimoun ordiner, pou ganny sase dan kominote.

Egzod 30:38

En dimoun ki esey fer en parfen parey, pour li santi son loder, pou ganny sase dan kominote.

Ezai 66:3

Dimoun i ofer en toro pour sakrifis, me zot osi touy en imen. Dimoun i egorz en mouton, me zot osi kas likou en lisyen. Dimoun i ofer en sakrifis sereal, me zot osi ofer disan koson. Dimoun i fer lofrann memoryal lansan, me zot osi beni en zidol. Zot in swazir zot prop semen. Zot pran plezir dan zot bann pratik degoutan.

Ezekyel 20:40

La sa ki Senyer BONDYE i deklare: Tou Izraelit, tou sa ki pou reste dan sa pei, pou ador mwan lo mon montanny sen, lo gran montanny Izrael. La mon pou akey zot. Mon pou resevwar bann don ki zot in konsakre, tou zot bann meyer lofrann ek don pour ofer mwan.

Levitik 1:3

Si i ofer koman sakrifis konplet, en bef sorti dan son troupo, i ava swazir en mal san okenn defo. I ava ofer son sakrifis devan lantre Latant Rankont pour li ganny aksepte devan SENYER.

Levitik 17:10

Si en Izraelit oubyen en etranze ki pe reste parmi zot i manz disan nenport zannimo, mon pou tourn kont sa dimoun, e mon pou rezet li parmi son pep.

Levitik 17:14

Lavi tou kreatir i dan son disan. Pour sa rezon ki mon'n dir pep Izrael: Ou pa pou manz disan okenn kreatir, akoz lavi tou kreatir i dan son disan; nenport dimoun ki manz li, pou ganny rezete dan kominote Izrael.

Levitik 17:3

Si en zonm parmi pep Izrael i egorz en toro, en mouton, ouswa en kabri, dan kan oubyen menm an deor kan;

Levitik 17:5

Konmsa, pep Izrael ava oblize aret touy zot zannimo dan lakanpanny, me zot ava anmenn kot pret devan lantre Latant Rankont pour ofer SENYER koman en sakrifis lape.

Levitik 17:9

e ki i pa anmenn sa lofrann devan lantre Latant Rankont pour prezant devan SENYER, sa dimoun ava ganny rezete parmi son pep.

Levitik 18:29

Sa enn ki pratik okenn sa bann aksyon degoutan pou ganny sase parmi son pep.

Levitik 20:16

Si en fanm i apros en zannimo pour akouple avek li, ou ava touy sa fanm ek sa zannimo. Tou le de ava ganny touye; zot ava responsab zot lanmor.

Levitik 20:18

Si en zonm i dormi avek en fanm pandan son reg e i war son touni, e sa fanm in les li war kot disan pe sorti, tou le de ava ganny rezete parmi zot pep.

Levitik 20:3

Mwan menm, mon pou tourn kont sa zonm. Mon pou sas li parmi mon pep akoz in donn enn son zanfan bondye Molek, rann enpir mon sanktyer e dezonor mon non sen.

Levitik 3:2

I ava poz son lanmen lo latet sa zannimo e i ava egorz li devan Latant Rankont. Bann pret, bann garson Aaron, ava asperz disan otour lotel.

Levitik 7:18

Si en dimoun i manz lavyann son sakrifis lape son trwazyenm zour, sa sakrifis pa pou konte, e sa dimoun pa pou ganny aksepte. I pa akseptab, e sa enn ki'n manz sa, ava responsab son fot.

Levanzil dapre Zan 10:7

Zezi ti dir ankor, “Mon dir zot, sa i laverite: Mwan menm laport bann mouton.

Levanzil dapre Zan 10:9

Mwan menm laport; sa enn ki antre par mwan, pou ganny sove. I pou antre e sorti, e i pou trouv dekwa manze.

Levanzil dapre Zan 14:6

Zezi ti dir li, “Mwan menm semen, laverite e lavi. Personn pa kapab ariv kot mon Papa san pas par mwan.

Romen 4:6

Konmsa menm ki David i koz lo boner en dimoun ki Bondye i konsider koman zis, san pran an konsiderasyon son bann aksyon:

Romen 5:13

Pese ti egziste dan lemonn avan ki Bondye ti donn Lalwa avek Moiz. Me akoz pa ti ankor annan lalwa, pese pa ti konte.

Romen 5:20

Lalwa in vini e pese in ogmante. Me la kot pese in ogmante, lagras Bondye in ogmant plis ankor.

Deterononm 21:8

SENYER! Pardonn ou pep Izrael ki ou'n delivre; pa rann Izrael responsab disan en inosan. Apre, zot ava ganny pardonnen pour sa disan ki'n ganny verse.