Levitik 17:16 - Labib An Kreol Seselwa

¹⁶ Si i pa lav ni son lenz ni son lekor, i ava koupab pour son fot.

Levitik 17:16 ပူးပေါင်းရင်းမြစ်များ

Ezai 53:11

Akoz lasoufrans ki i'n siporte, i ava war lalimyer e i ava ganny rekonpanse. Mon serviter, sa enn ki zis, ava anmenn lazistis pour en lafoul dimoun; i ava pran lo li zot bann pese.

Levitik 18:1

SENYER ti koz avek Moiz:

Levitik 19:8

Sa enn ki manz sa, ava pe profann keksoz ki'n konsakre pour mwan. I ava koupab akoz in komet en fot. I ava ganny ekskli parmi lepep.

Levitik 20:17

Si en zonm i marye avek son ser, fiy son papa oubyen fiy son manman, e ki zot war touni kanmarad, sa i en aksyon ki fer onte. Zot devre ganny sase parmi lepep; i'n dormi avek son ser e i merit ganny pini.

Levitik 5:1

Kan en dimoun i ganny apele koman temwen lo keksoz ki i'n war, oubyen ki i deza konnen, me i refize dir sa ki i'n tande oubyen war, i komet en pese. I ava responsab pour son fot.

Levitik 7:18

Si en dimoun i manz lavyann son sakrifis lape son trwazyenm zour, sa sakrifis pa pou konte, e sa dimoun pa pou ganny aksepte. I pa akseptab, e sa enn ki'n manz sa, ava responsab son fot.

Levanzil dapre Zan 13:8

Pyer ti dir li, “Senyer! Zanmen ou ava lav mon lipye.” Zezi ti reponn li, “Si mon pa lav ou lipye, ou pou napa okenn par avek mwan.”

Ebre 9:28

De menm, Kris i'n ofer son lekor en sel fwa pour detri pese en kantite dimoun: I pou aparet en dezyenm fwa, pa pour detri pese, me pour sov bann ki pe esper li.

1 Pyer 2:24

Kris li menm in anmenn nou pese dan son lekor lo lakrwa, pour ki nou mor pour sa ki konsern pese e viv pour lazistis. Par son bann blesir, zot in ganny geri.