Levitik 17:11 - Labib An Kreol Seselwa

¹¹ Annefe, lavi en kreatir i dan son disan. Mon'n donn li pour zot fer rityel pardon lo lotel pour zot lavi. Se avek disan ki rityel pardon pese i ganny fer, akoz disan i lavi.

Levitik 17:11 ပူးပေါင်းရင်းမြစ်များ

Zenez 9:4

Me fo-dre pa ki zot manz lavyann avek son lavi, setadir, son disan.

Levitik 1:5

I ava egorz sa zannimo devan SENYER. Alor bann pret, bann garson Aaron, ava prezant disan e asperz otour lotel ki dan lantre Latant Rankont.

Levitik 16:11

Aaron ava prezant sa toro pour sakrifis pardon pour son prop pese e i ava fer rityel pardon pese pour li menm e pour son fanmir. I ava egorz sa toro koman sakrifis pour pardon son prop pese.

Levitik 17:12

Pour sa rezon, mon'n dir pep Izrael: Personn parmi zot, ni okenn etranze ki pe reste parmi zot, pa devre manz disan.

Levitik 17:14

Lavi tou kreatir i dan son disan. Pour sa rezon ki mon'n dir pep Izrael: Ou pa pou manz disan okenn kreatir, akoz lavi tou kreatir i dan son disan; nenport dimoun ki manz li, pou ganny rezete dan kominote Izrael.

Levitik 4:25

Pret ava pran en pe disan sa zannimo sakrifis pour pardon pese avek son ledwa e met li lo bann korn lotel sakrifis. I ava vers leres disan ater devan lotel sakrifis konplet.

Levitik 4:26

I ava bril tou son lagres lo lotel, parey i fer pour lagres sakrifis lape. Pret ava ofer sakrifis pour pardon son pese e i ava ganny pardonnen.

Levitik 8:15

Moiz ti egorz sa toro. I ti pran disan e avek son ledwa, i ti pas lo sak korn lotel, e pirifye lotel. Apre, i ti vers disan ater devan lotel e konsakre lotel. Konmsa ki i ti konsakre lotel pour fer rityel pardon lo la.

Matye 20:28

Dan sa menm fason, Fis-de-Lonm pa'n vini pour ganny servi, me pour servi e donn son lavi koman pri pour liber bokou dimoun.”

Matye 26:28

Sa i mon disan, disan lalyans ki'n ganny verse pour bokou, pour pardon bann pese.

Mark 14:24

I ti dir zot, “Sa i mon disan, disan lalyans ki'n ganny verse pour bokou.

Romen 3:25

Bondye in ofer Kris an sakrifis, pour ki par lanmor Kris, sa bann ki krwar dan li i ganny pardon pese. Bondye in fer sa pour montre ki i touzour zis. Annefe, i ti zis dan letan pase, kan i ti montre son pasyans. I pa ti pini zonm pour son pese.

Romen 5:9

Par son sakrifis, in rann nou zis devan Bondye. A pli fort rezon, i pou sov nou aprezan devan lakoler Bondye.

Efezyen 1:7

Annefe, par disan Zezi-Kri, nou'n ganny sove, e par larises son lagras, nou bann pese in ganny pardonnen.

Deterononm 12:23

Selman, fer sir ou pa manz son disan, akoz disan i lavi e ou pa devre manz lavi avek lavyann.

Kolosyen 1:14

Par li, Bondye in delivre nou e nou pese i'n ganny pardonnen.

Kolosyen 1:20

Par li, Bondye in oule rekonsilye liniver antye avek li. Par lanmor son Garson lo lakrwa, in etabli lape pour tou dimoun, lo later koman dan lesyel.

Ebre 13:12

Pour sa rezon ki Zezi osi ti mor an deor laport lavil, pour ki lepep i ganny pirifye par son prop disan.

Ebre 9:22

Annefe, dapre Lalwa, preski tou keksoz i ganny pirifye avek disan, e san versman disan, napa pardon pese.

1 Pyer 1:2

Pour tou bann ki'n ganny swazir e destinen pour ganny sove par Bondye nou Papa, e ki'n vin en pep sen par Lespri pour obei Zezi-Kri, e ganny pirifye par son disan, nou demann lagras ek lape annabondans pour zot.

1 Zan 1:7

Me si nou pe mars dan lalimyer parey li menm i dan lalimyer, alor, nou pe viv ini avek kanmarad, e disan Zezi, son Garson, i pirifye nou avek tou pese.

1 Zan 2:2

I'n ofer li menm, koman sakrifis pour nou ganny pardon nou pese. Pa zis pour nou, me osi pour pese lemonn antye.

Revelasyon 1:5

e delapar Zezi-Kri, temwen fidel, premye ne parmi bann mor, sef parmi bann lerwa later. Zezi-Kri i kontan nou. Par son disan, i'n delivre nou avek tou nou bann pese.