Levitik 17:10 - Labib An Kreol Seselwa

¹⁰ Si en Izraelit oubyen en etranze ki pe reste parmi zot i manz disan nenport zannimo, mon pou tourn kont sa dimoun, e mon pou rezet li parmi son pep.

Levitik 17:10 ပူးပေါင်းရင်းမြစ်များ

Zenez 9:4

Me fo-dre pa ki zot manz lavyann avek son lavi, setadir, son disan.

2 Samyel 23:17

I ti dir, “SENYER! Zanmen mon pou fer sa. Eski mon kapab bwar disan sa bann zonm ki'n riske zot lavi?” Alor, i pa ti oule bwar sa delo. Sanmenm sa ki sa trwa vayan zonm ti fer.

Psonm 34:16

SENYER i tourn kont bann malfeter pour fer disparet zot non lo later.

Egzod 30:33

En dimoun ki imit sa reset e ki vers li lo en dimoun ordiner, pou ganny sase dan kominote.

Zeremi 21:10

Annefe, SENYER i deklare: Mon pe tourn kont lavil Zerizalenm, pa pour son boner, me pour son maler. Mon pou detri li. I pou ganny livre avek lerwa Babilonn ki pou met dife ladan.

Zeremi 44:11

Pour sa rezon, la sa ki SENYER liniver, Bondye Izrael, i deklare: Mon pou fer maler tonm lo zot e detri Zida.

Ezekyel 14:8

Mon pou debout kont li; sa ki mon pou fer avek li pou reste en siny e en proverb. Mon pou elimin li parmi mon pep. Alor, zot ava konnen ki mwan menm SENYER.

Ezekyel 15:7

Mon pou azir kont zot; zot krwar zot in sove dan dife, me dife pou detri zot. Kan mon pou azir kont zot, zot ava konnen ki mwan menm SENYER.

Ezekyel 33:25

Alor, dir zot: La sa ki Senyer BONDYE i deklare: Zot manz lavyann avek son disan, zot ador zot bann zidol, zot fer krim, zot krwar zot pou kapab pran posesyon sa pei?

Ezekyel 44:7

Ou anmenn bann etranze, bann ki pa sirkonsi, ni dan zot leker, ni dan zot lekor, dan mon sanktyer e profann mon tanp. Anmenmtan ki ou ofer mwan manze lagres ek disan, ou pe kas mon lalyans par tou ou bann pratik degoutan.

Levitik 17:11

Annefe, lavi en kreatir i dan son disan. Mon'n donn li pour zot fer rityel pardon lo lotel pour zot lavi. Se avek disan ki rityel pardon pese i ganny fer, akoz disan i lavi.

Levitik 19:26

Pa manz okenn lavyann avek son disan. Pa pratik mazik, ni devinen.

Levitik 26:17

Mon pou abandonn zot e zot lennmi ava ganny laviktwar lo zot. Dimoun ki deteste zot ava domin zot e zot ava sove san ki personn i pourswiv zot.

Levitik 3:17

Zot pa devre manz ni lagres, ni disan. Sa i en lalwa pour touzour, pour tou zot bann zenerasyon, partou dan nenport landrwa kot zot ava reste.

Amos 9:4

Si zot bann lennmi i deport zot, mon pou donn lord touy zot. Mon lizye pou reste fikse lo zot, pour zot maler, pa pour zot boner.

Akt de Zapot 15:20

Me annou ekri zot e demande ki zot pa manz lavyann ki'n ganny ofer avek bann zidol, gard zot kont tou pratik imoral, pa manz zannimo ki'n toufe, ni disan.

Akt de Zapot 15:29

Pa manz lavyann ki'n ganny sakrifye avek zidol, pa manz disan, pa manz zannimo toufe, e evit tou imoralite. I ava byen si zot evit fer tousala. Adye!

Deterononm 12:16

Me ou pa pou kapab manz disan okenn zannimo; ou ava les li koul ater, parey delo.

Deterononm 12:23

Selman, fer sir ou pa manz son disan, akoz disan i lavi e ou pa devre manz lavi avek lavyann.

Deterononm 15:23

Selman, ou pa pou manz son disan; ou ava les son disan koul ater, parey delo.

Ebre 10:29

Alor, mazinen ki pou arive, avek sa enn ki mepriz Garson Bondye, ki konsider disan lalyans Bondye ki'n pirifye li, koman en keksoz san valer, e ki ensilte Lespri ki donn lagras! Pinisyon ki i merite pou sertennman pli sever.

1 Samyel 14:32

Zot ti sot lo sa ki zot ti'n pran avek bann Filisten: Mouton, toro, zenn bef, egorz zot e ofer zot an sakrifis ater; la troup ti manz lanmenm lo disan.

1 Samyel 14:33

Zot ti dir Sail, “La bann troup pe fer pese kont SENYER; zot pe manz lavyann lo disan.” Sail ti dir, “Zot in kondwir zot koman bann tret; toudswit, roul en gro ros isi kot mwan.