Levitik 16:6 - Labib An Kreol Seselwa

⁶ Aaron ava ofer sa toro pour sakrifis pardon son prop pese, e i ava fer rityel pardon pese pour li menm e pour son fanmir.

Levitik 16:6 ပူးပေါင်းရင်းမြစ်များ

Liv Zob 1:5

Kan bann zour lafet ti'n fini, Zob ti fer son bann garson vin kot li pour pirifye zot. I ti leve granmaten e ofer sakrifis pour sakenn zot; i ti dir dan li menm: Petet mon bann zanfan in fer pese e zot in modi Bondye dan zot leker! Zob ti toultan fer sa.

Ezekyel 43:19

ou ava remet en toro pour sakrifis pardon pese avek bann pret levit ki sorti dan fanmir Sadok. Zis zot ki annan drwa prezant devan mwan, Senyer BONDYE i deklare.

Ezekyel 43:27

Apre sa set zour, bann pret ava ofer lo lotel, sakrifis konplet ek bann sakrifis lakominyon pour lepep. Alor, mon ava aksepte zot. Senyer BONDYE ki'n deklare.

Levitik 16:3

La ki mannyer Aaron pou antre dan sanktyer: I devre anmenn en zenn toro pour sakrifis pardon pese ek en mouton mal pour sakrifis konplet.

Levitik 16:7

I ava pran sa de bouk e prezant zot devan SENYER, devan lantre Latant Rankont.

Levitik 9:7

Apre, Moiz ti dir Aaron, “Avans devan kot lotel, e ofer ou sakrifis pour pardon pese, ek sakrifis konplet e fer rityel pour pardon ou prop pese e pour pese lepep. Apre, ofer sakrifis pour lepep e fer rityel pour pardon zot pese, parey SENYER in ordonnen.”

Ebre 7:27

I pa bezwen ofer sakrifis tou le zour, parey lezot Gran-Pret, dabor pour son prop pese, answit pour pese lepep. I'n ofer son lekor an sakrifis en sel fwa pour tou.

Ebre 9:12

I'n antre en fwa pour tou dan sanktyer, non pa avek disan bouk ek toro, me avek son prop disan, pour fer nou ganny delivre pour touzour.

Ebre 9:7

Me zis Gran-Pret ki ti penetre dan dezyenm parti e zis en fwa par an. I ti bezwen antre avek disan ki i ti dabor ofer devan Bondye pour pardon son pese, answit pour pardon pese lepep.