Levitik 16:4 - Labib An Kreol Seselwa

⁴ I devre met lo li son lenz sakre an linenn, son kannset linenn, en sentir linenn otour son leren, e kouver son latet avek en tirban linenn. Tousala i fer parti son labiyman sakre. I ava met sa labiyman apre ki i'n pran en ben.

Levitik 16:4 ပူးပေါင်းရင်းမြစ်များ

Egzod 28:2

Ou ava fer bann labiyman sakre pour ou frer Aaron, pour mark son loner ek son dinyite.

Egzod 29:4

Ou ava anmenn Aaron ek son bann garson kot laport Latant Rankont e ou ava lav zot dan delo.

Egzod 30:20

Kan zot antre dan Latant Rankont, zot ava lav zot avek delo, pour ki zot pa mor. Zot ava osi lav zot lanmen ek zot lipye kan zot apros lotel pour ofer sakrifis e bril bann lofrann pour SENYER. Konmsa, zot pa ava mor.

Egzod 40:12

Ou ava prezant Aaron avek son bann garson devan lantre Latant Rankont e ou ava lav zot dan delo.

Ezai 53:2

I'n grandi devan li parey en pti plant byen feb, parey en rasin ki sorti dan en later desese. I ti napa okenn laparans, ni labote ki pou atir nou latansyon; ti napa nanryen pour atir nou ver li.

Ezekyel 44:19

Ler zot sorti pour zwenn lepep dan lakour eksteryer, zot devre tir sa lenz ki zot in ofisye ladan e depoz li dan bann lasal sanktyer. Zot ava met lezot lenz pour zot pa ganny kontak sakre avek lepep.

Ezekyel 9:2

Alor, sis zonm ti arive par laport siperyer ki vir lo kote Nor. Sakenn ti annan son zarm pour masakre dan son lanmen. Parmi zot, ti annan en zonm abiye dan lenz linenn ki ti annan son lekipman pour ekri dan son kote. Zot ti antre e debout akote lotel an bronz.

Levitik 16:23

Apre, Aaron ava antre dan Latant Rankont. I ava tir son lenz linenn ki i ti'n mete pour li antre dan Lasal Tre Sen. I ava depoz li la.

Levitik 16:24

I ava benny dan en landrwa sen e remet son lenz lo li. I ava sorti e ofer sakrifis konplet pour li e pour lepep, e fer rityel pardon pese pour li e pour lepep.

Levitik 16:32

Rityel pour pardon pese ek pirifikasyon devre ganny fer par en pret ki'n ganny konsakre e ganny swazir, pour ranplas son papa. I ava met labiyman linenn, bann labiyman sakre.

Levitik 6:10

Pret ava met son kannset linenn ek bann lenz linenn. Apre, i ava pran lasann sakrifis konplet lo lotel e depoz akote lotel.

Levitik 6:3

oubyen si i konsern en lobze perdi ki i'n trouve, me i dir pa vre; oubyen ankor i fer en fo serman, pour li kasyet nenport sa bann pese ki zonm i kapab komet.

Levanzil dapre Lik 1:35

Lanz ti reponn li, “Lespri Sen pou desann lo ou. Bondye pou kouver ou avek son pwisans parey en lonbraz. Pour sa rezon, sa zanfan ki pou ne pou konsakre pour Bondye. I pou apel Garson Bondye.

Filipyen 2:7

Me, par son prop volonte, i ti renons tou sa ki i ti posede, pour pran kondisyon en serviter. I ti pran natir imen.

Ebre 10:22

Alor, annou apros ver Bondye avek en leker senser, ranpli avek konfyans, avek en leker pirifye avek tou sa ki donn en move konsyans e en lekor lave avek en delo pir.

Ebre 2:14

Alor, parey zanfan i annan an komen disan ek laser, Zezi osi, i'n partisip dan menm kondisyon. I'n pran natir imen, pour ki par son lanmor, i detri sa enn ki annan pouvwar donn lanmor, setadir dyab.

Ebre 7:26

Zezi i sa Gran-Pret ki nou ti bezwen: I sen, inosan, san pese, separe avek tou bann peser e plase pli o ki lesyel.