Levitik 16:30 - Labib An Kreol Seselwa

³⁰ Annefe, sa zour, rityel pardon pese ek pirifikasyon in ganny fer pour tou pese. Zot ava ganny pirifye avek tou zot pese devan SENYER.

Levitik 16:30 ပူးပေါင်းရင်းမြစ်များ

Psonm 51:10

Mon Bondye! Kree dan mwan en leker pir; Redonn mwan en lespri nouvo.

Psonm 51:2

Lav mwan e retir mon bann fot. Pirifye mwan e anlev tou mon pese.

Psonm 51:7

Pirifye mwan avek brans izop e mon ava prop. Lav mwan e mon ava vin pli blan ki lannez.

Zeremi 33:8

Mon pou pirifye zot kont tou zot fot ki zot in komet kont mwan. Mon pou pardonn zot, zot bann fot ek rebelyon kont mwan.

Levitik 23:27

Dizyenm zour, setyenm mwan, i zour rityel pardon pese. I ava annan en rasanbleman sakre. Zot ava zennen e ofer SENYER bann lofrann brile par dife.

Levitik 23:28

Lazournen antye, zot pa pou travay, akoz sa i en zour rityel pardon pese; en zour pardon pour zot pese devan SENYER zot Bondye.

Efezyen 5:26

I'n fer sa pour konsakre Legliz pour Bondye, apre ki i'n pirifye li par delo ek laparol.

Let Pol pour bann Tit 2:14

Annefe, Zezi-Kri i'n donn son prop lavi pour nou, pour delivre nou dan tou mal e pirifye nou koman en pep ki pour li, en pep zele pour fer sa ki byen.