Levitik 16:18 - Labib An Kreol Seselwa

¹⁸ Apre, i ava kit Lasal Tre Sen e al kot lotel ki devan SENYER e fer rityel pirifikasyon lo la; i ava pran en pe disan toro ek en pe disan bouk e i ava pas lo korn lotel e toultour.

Levitik 16:18 ပူးပေါင်းရင်းမြစ်များ

Egzod 30:10

En fwa par an, Aaron ava fer rityel pirifikasyon lo bann kwen lotel. I ava ofer disan sakrifis pour pardon pese zenerasyon apre zenerasyon. Sa lotel ava ganny konsidere koman tre sakre pour SENYER.

Ezekyel 43:20

Ou ava pran en pe disan e met lo kat kwen lotel, lo kat kwen dezyenm platform e lo son rebor toultour. Alor, ou ava pirifye li e konsakre li pour ganny pardon pese.

Ezekyel 43:22

Son lannmen, ou ava ofer en bouk san defo pour pardon pese pour pirifikasyon lotel, parey ou fer avek toro.

Ezekyel 45:19

Pret ava pran en pe disan sakrifis pour pese e plas lo poto laport tanp, lo kat kwen bor lotel, lo montan lantre lakour enteryer.

Levitik 16:16

Konmsa ki i ava fer rityel pour pirifikasyon sanktyer akoz lenpirte pep Izrael, e akoz zot bann krim ek tou zot pese. I ava fer parey pour sanktyer ki la avek zot e dan milye zot lenpirte.

Levitik 16:17

Pa devre annan personn dan Latant Rankont kan pret i antre pour fer rityel pirifikasyon dan sanktyer, ziska ki i sorti e fini seremoni pardon pese pour li menm, pour son fanmir e pour pep Izrael antye.

Levitik 4:18

I ava met en pe disan lo bann kwen lotel ki dan Latant Rankont. Apre, i ava vers tou leres disan ater devan lotel sakrifis ki dan lantre Latant Rankont.

Levitik 4:25

Pret ava pran en pe disan sa zannimo sakrifis pour pardon pese avek son ledwa e met li lo bann korn lotel sakrifis. I ava vers leres disan ater devan lotel sakrifis konplet.

Levitik 4:7

Sa pret ava met en pe disan lo bann korn lotel kot i bril lansan devan SENYER dan Latant Rankont. Apre, i ava vers leres disan sa toro ater devan lotel sakrifis ki dan lantre Latant Rankont.

Nonm 28:22

Zot ava ofer avek sa sakrifis en bouk pour pardon pese. Konmsa, rekonsilyasyon dan ou faver i ganny fer.

Levanzil dapre Zan 17:19

Pour zot, mon konsakre ou mon lekor, pour ki zot osi, zot ava vreman ganny konsakre dan laverite.

Ebre 2:11

Annefe, sa enn ki pirifye, ek bann ki ganny pirifye, zot tou, zot annan en menm papa. Pour sa rezon, Zezi pa onte pour apel zot son bann frer.