Levitik 16:13 - Labib An Kreol Seselwa

¹³ I ava met lansan lo labrez devan SENYER; nyaz lafimen ki monte ava anvlop kouvertir Kof Lalyans ki annan dokiman lalyans. Konmsa i pa pou mor.

Levitik 16:13 ပူးပေါင်းရင်းမြစ်များ

Egzod 25:21

Ou ava met sa plak kouvertir lo Kof Lalyans e ou ava met dan Kof, temwannyaz ki mon pou donn ou.

Egzod 28:43

Aaron ek son bann garson ava met sa kannset ler zot ava antre dan Latant Rankont, oubyen ler zot ava apros kot lotel pour servis sanktyer. Konmsa, zot pa ava koupab pour okenn fot, pour ki zot pa mor. Sa i en regleman pour touzour ki aplik pour Aaron e pour son desandans.

Egzod 30:1

Ou ava fer en lotel avek dibwa akasya pour bril lansan.

Levitik 22:9

Bann pret ava akonpli tou sa ki mon'n ordonnen, san rann zot koupab pour en pese profanasyon ki anmenn lanmor. Mwan menm SENYER ki rann zot sen.

Nonm 16:18

Alor, sakenn ti pran son lansanswar e met labrez ek lansan ladan. Zot ti debout devan lantre Latant Rankont SENYER, ansanm avek Moiz ek Aaron.

Nonm 16:46

Apre, Moiz ti dir Aaron: Pran lansanswar avek dife ki lo lotel. Met lansan lo la, al vitman kot lepep e fer rityel pirifikasyon pour zot pese. Lakoler SENYER in eklate e fleo in konmanse.

Nonm 16:7

Demen bomaten, zot ava met dife ek lansan ladan devan SENYER. Sa enn ki SENYER ava swazir, li menm ki ava sa zonm sen. Bann Levit in egzazere.

Nonm 4:15

Kan zot lev kan, ler Aaron ek son bann garson in fini kouver sanktyer avek tou son bann akseswar, bann garson Keat ava vini pour transport li. Me zot pa devre tous okenn sa bann lobze sakre. Si zot fer sa, zot pou mor. Sa i bann lobze dan Latant Rankont SENYER ki bann garson Keat a bezwen transporte.

Nonm 4:20

Zot pa devre antre dan Latant pour get okenn lobze sakre, pa menm pour en pti moman letan, pangar zot mor.

Deterononm 33:10

Zot ava ansenny Zakob ou bann regleman e Izrael ou Lalwa. Zot ava ofer lansan devan ou e bann sakrifis konplet lo ou lotel.

Ebre 7:25

Pour sa rezon ki i kapab sov pour leternite, dimoun ki apros kot Bondye atraver li, akoz i touzour vivan pour pled dan zot faver.

Ebre 9:24

Annefe, Kris pa'n antre dan kopi en sanktyer ki'n fer par zonm, me i'n antre dan lesyel menm, pour prezant li menm devan Bondye pour nou.