15 Pret ava ofer sa bann zwazo, enn koman sakrifis pour pardon pese e lot koman sakrifis konplet. Pret ava fer rityel pirifikasyon pour li devan SENYER, pour son maladi.
Ou ava konsider zot koman enpir. Sanmenm sa bann pti bebet ki enpir pour ou. Sa enn ki tous kadav enn sa ba bann zannimo ki'n mor, ava vin enpir ziska aswar.
Si en lobze i tonm lo enn sa bann pti bebet ki'n mor, sa lobze ava enpir. Nenport lobze an bwa, lenz, lapo oubyen en sak, tou keksoz ki ganny servi, ava ganny tranpe dan delo e ava vin enpir ziska aswar. Apre, i ava revin pir.
Pret ava ofer SENYER sa bann sakrifis e fer rityel pour pardon lo sa fanm ki ava ganny pirifye avek son pert disan. Sa i ava lalwa konsernan bann fanm ki ganny zanfan, ki swa en garson oubyen en fiy.
Si i napa mwayen pour anmenn en zenn mouton, i ava pran de tourtrel oubyen de pizon, enn pour en sakrifis konplet e lot pour en sakrifis pardon pese. Pret ava fer rityel pardon pour sa fanm ki ava ganny pirifye.
I ava fer egzakteman parey i ti fer pour toro ki ti ganny ofer pour sakrifis pardon pese. Pret ava fer rityel pardon pese pour zot e zot ava ganny pardonnen.
I ava retir tou son lagres, parey i fer pour zannimo sakrifis lape. Pret ava bril li lo lotel pour donn en loder ki fer plezir SENYER. Konmsa, ki pret ava ofer sa sakrifis pour pardon pese sa senp sitwayen e i ava ganny pardonnen.
I ava retir tou lagres, parey i tir lagres mouton dan sakrifis lape. Pret ava bril li lo lotel, avek lezot sakrifis brile pour SENYER. I ava ofer sa sakrifis pour li ganny pardon pese ki i'n komet, e i ava ganny pardonnen.
Pret ava fer rityel pardon pese lo kominote Izrael antye e zot ava ganny pardonnen. Annefe, sa ti en fot envolonter e pour sa fot, zot in anmenn zot lofrann ki'n ganny brile par dife pour SENYER. Akoz zot fot envolonter, zot in osi anmenn devan SENYER, zot sakrifis pour zot pese.
Sa lalyans ava pour li ek son desandans. Sa lalyans pou etabli zot pret pour touzour, akoz i'n montre en pasyon zalou pour son Bondye e i'n fer rekonsilyasyon pour Izrael ganny pardonnen.”
Sa Garson i reflekte laglwar Bondye. I reprezant egzakteman resanblans Bondye. I soutenir liniver par son parol pwisan. Apre ki i ti'n fini pirifikasyon pese bann et imen, i'n al asiz lo kote drwat Bondye, pwisans siprenm lao dan lesyel.