Levitik 14:54 - Labib An Kreol Seselwa

⁵⁴ Sa i regleman konsernan bann diferan laform maladi lapo,

Levitik 14:54 ပူးပေါင်းရင်းမြစ်များ

Levitik 11:46

Sa i bann lalwa ki konsern zannimo ki viv lo later, zwazo ek tou bann kreatir ki bouze dan delo e tou bann pti bebet ki grouye lo later.

Levitik 13:3

Pret ava egzamin sa maladi ki lo lapo sa zonm. Si pwal dan sa parti malad lo son lekor in vin blan e sa maladi in fer en trou dan son lapo, sa i en ka maladi parey lalep, e pret ava deklar sa zonm enpir.

Levitik 14:2

La lalwa konsernan rityel pirifikasyon bann ki ganny en maladi parey lalep kan zot ganny anmennen devan pret.

Levitik 14:32

Sa i bann lalwa konsernan en dimoun ki ganny maladi ki parey lalep ki napa mwayen neseser pour son pirifikasyon.

Levitik 14:53

I ava larg sa zwazo an deor lavil ver lakanpanny. Alor, i ava fer rityel pirifikasyon pour lakaz e sa lakaz ava vin pir.

Levitik 15:32

Sa i regleman konsernan dimoun ki annan en desarz oubyen ki perdi son sperm, ki fer li vin enpir;

Levitik 6:14

La rityel konsernan lofrann vezetal: Bann garson Aaron ava ofer SENYER sa lofrann, devan lotel.

Levitik 6:25

Dir avek Aaron ek son bann garson: La rityel pour lofrann pardon pese: Zot ava egorz zannimo sakrifis pour pardon pese devan SENYER dan menm landrwa kot zot egorz zannimo pour sakrifis konplet; sa i en lofrann ki tre sakre.

Levitik 6:9

Donn sa lord Aaron ek son bann garson: La bann rityel konsernan sakrifis konplet. Sa sakrifis konplet ava reste lo dife tou lannwit lo lotel ziska bomaten, e dife lo lotel ava reste alimen.

Levitik 7:1

La rityel konsernan sakrifis pour reparasyon. Sa i en keksoz ki tre sen:

Levitik 7:37

Sa i bann lalwa pour bann sakrifis konplet, bann lofrann vezetal, bann sakrifis pour pardon pese, bann sakrifis reparasyon, sakrifis konsekrasyon, ek sakrifis lape.

Nonm 19:14

La en lot lalwa: Ler en dimoun i mor dan en latant, dimoun ki antre dan sa latant, pou vin enpir pandan set zour, parey sa bann ki ti dan sa latant.

Nonm 5:29

Sa i lalwa lo bann ka zalouzi ler en fanm ki anba lotorite son mari i dezonor son lekor;

Nonm 6:13

Sa i lalwa konsernan bann Nazireen: Zour son letan nazirea i fini, i ava vin devan lantre Latant Rankont SENYER.

Deterononm 24:8

Fer atansyon! Dan ka en maladi ki parey lalep, obzerv byen tou regleman ki bann pret levit i donn ou, parey mon'n ordonn zot.