Levitik 14:25 - Labib An Kreol Seselwa

²⁵ Pret ava egorz sa mouton pour sakrifis reparasyon. I ava pran disan sa mouton e pas lo bout zorey drwat, lo pous lanmen drwat, e lo pous lipye drwat sa dimoun ki pe ganny pirifye.

Levitik 14:25 ပူးပေါင်းရင်းမြစ်များ

Psonm 40:6

Ou'n donn mwan zorey pour mwan tande: Ou pa oule ni sakrifis, ni lofrann. Ou pa aksepte okenn sakrifis konplet, ni okenn sakrifis pour pardon pese.

Egzod 29:20

Ou ava egorz sa mouton. Ou ava pran en pe son disan ki ou ava met lo bout zorey drwat Aaron ek bout zorey drwat son bann garson. Ou ava osi met en pe disan lo pous zot lanmen drwat e lo gro pous zot lipye drwat. Avek leres sa disan, ou ava asperz toultour lotel.

Eklezyas 5:1

Fer atansyon ler ou al kot tanp Bondye; al pour ekoute plito ki pour ofer sakrifis parey bann fou, akoz zot pa ni konnen si zot pe mal azir.

Levitik 14:26

Pret ava vers en pe delwil dan son lanmen gos.

Levitik 5:7

Me si i pa kapab ganny en mouton koman sakrifis pour pardon pese ki i'n komet, alor, i ava anmenn devan SENYER, de tourtrel oubyen de pizon. Enn koman sakrifis pour pardon pese, lot koman sakrifis konplet.

Levitik 8:23

Moiz ti egorz li e pran en pe son disan ki i ti pas lo bout zorey drwat Aaron, lo pous son lanmen drwat e lo gro pous son lipye drwat.