Levitik 14:12 - Labib An Kreol Seselwa

¹² Pret ava pran en premye mouton e ofer koman en sakrifis reparasyon, ansanm avek sa demi lit delwil e i ava prezant zot devan SENYER dapre rityel.

Levitik 14:12 ပူးပေါင်းရင်းမြစ်များ

Egzod 29:22

Ou ava pran lagres sa mouton mal, lagres ki dan son lake, lagres ki kouver son trip, son lefwa, son ronnyon, ek son kwis drwat. Sa i ava mouton konsekrasyon.

Egzod 29:24

Ou ava met tousala dan lanmen Aaron e dan lanmen son bann garson. Ou ava ofer li koman en lofrann devan SENYER.

Egzod 29:26

Apre, ou ava pran lestoma sa mouton konsekrasyon ki pour Aaron; ou ava prezant li devan SENYER, dapre rityel. Sa morso i ava ou par.

Ezai 53:10

Me SENYER ti trouv bon kraz li par lasoufrans. I'n fer li vin en sakrifis pour reparasyon bann fot. I ava viv lontan e i ava war son bann desandans. Par li, SENYER ava akonpli son lavolonte.

Levitik 14:10

Wityenm zour, i ava pran de mouton mal san defo, en zenn femel mouton aze enn an e san defo, en lofrann nef kilo lafarin meyer kalite, petri avek delwil, ek en demi lit delwil.

Levitik 14:11

Pret ki fer rityel pirifikasyon ava prezant devan SENYER sa zonm ki pe ganny pirifye dan lantre Latant Rankont avek bann lofrann.

Levitik 14:19

Pret ava ofer sakrifis pour pardon pese, e fer rityel demann pardon pour sa dimoun ki pe ganny pirifye. Answit, i ava egorz zannimo pour sakrifis konplet.

Levitik 5:15

Si, enkonsyanman, en dimoun i komet en fot grav, an gardan sa ki'n konsakre pour SENYER, la sa ki i devre fer: I ava anmenn devan SENYER, koman sakrifis reparasyon, en mouton mal, san defo, sorti dan son troupo. Son valer pou ganny estimen an pyes larzan, dapre valer ki an viger dan sanktyer.