Levitik 12:7 - Labib An Kreol Seselwa

⁷ Pret ava ofer SENYER sa bann sakrifis e fer rityel pour pardon lo sa fanm ki ava ganny pirifye avek son pert disan. Sa i ava lalwa konsernan bann fanm ki ganny zanfan, ki swa en garson oubyen en fiy.

Levitik 12:7 ပူးပေါင်းရင်းမြစ်များ

Liv Zob 1:5

Kan bann zour lafet ti'n fini, Zob ti fer son bann garson vin kot li pour pirifye zot. I ti leve granmaten e ofer sakrifis pour sakenn zot; i ti dir dan li menm: Petet mon bann zanfan in fer pese e zot in modi Bondye dan zot leker! Zob ti toultan fer sa.

Liv Zob 14:4

Lekel ki kapab fer sa ki pir sorti dan sa ki enpir? Personn pa kapab.

Levitik 1:4

I ava poz son lanmen lo latet sa zannimo. Sa zannimo ava ganny aksepte dan son faver koman en lofrann pour pardon son pese.

Levitik 12:6

Kan son letan pirifikasyon ava'n fini, pour en garson oubyen en fiy, sa fanm ava anmenn en zenn mouton aze enn an devan lantre Latant Rankont kot pret pour ofer en sakrifis konplet, avek en pizon oubyen en tourtrel pour sakrifis pardon pese.

Levitik 12:8

Si i napa mwayen pour anmenn en zenn mouton, i ava pran de tourtrel oubyen de pizon, enn pour en sakrifis konplet e lot pour en sakrifis pardon pese. Pret ava fer rityel pardon pour sa fanm ki ava ganny pirifye.

Levitik 15:15

Pret ava ofer sa bann zwazo, enn koman sakrifis pour pardon pese e lot koman sakrifis konplet. Pret ava fer rityel pirifikasyon pour li devan SENYER, pour son maladi.

Levitik 4:20

I ava fer egzakteman parey i ti fer pour toro ki ti ganny ofer pour sakrifis pardon pese. Pret ava fer rityel pardon pese pour zot e zot ava ganny pardonnen.

Levitik 4:26

I ava bril tou son lagres lo lotel, parey i fer pour lagres sakrifis lape. Pret ava ofer sakrifis pour pardon son pese e i ava ganny pardonnen.

Levitik 4:31

I ava retir tou son lagres, parey i fer pour zannimo sakrifis lape. Pret ava bril li lo lotel pour donn en loder ki fer plezir SENYER. Konmsa, ki pret ava ofer sa sakrifis pour pardon pese sa senp sitwayen e i ava ganny pardonnen.

Levitik 4:35

I ava retir tou lagres, parey i tir lagres mouton dan sakrifis lape. Pret ava bril li lo lotel, avek lezot sakrifis brile pour SENYER. I ava ofer sa sakrifis pour li ganny pardon pese ki i'n komet, e i ava ganny pardonnen.

Romen 3:23

Annefe, tou dimoun in fer pese e in perdi mazeste Bondye.

Romen 3:26

Me ozordi ankor i zis, akoz i oule anmenmtan azir dapre lazistis, e rann zis tou sa bann ki krwar dan Zezi.

1 Korentyen 7:14

Annefe, sa mari non-krwayan i pros avek Bondye atraver son fanm. Demenm, sa fanm non-krwayan i pros avek Bondye atraver son mari krwayan. Si pa ti konmsa, zot zanfan ti ava ganny konsidere koman enpir, tandis ki an realite zot pros avek Bondye.

Galat 3:28

Alor, i nepli annan okenn diferans ant Zwif ek non-Zwif, ant lesklav e ant dimoun lib, zonm oubyen fanm, akoz zot tou, zot in vin en sel avek Zezi-Kri.