Levitik 11:42 - Labib An Kreol Seselwa

⁴² Zot pa pou manz okenn sa bann pti bebet ki ranpli later, ni sa bann ki ranpe lo zot vant, ni sa bann ki mars lo kat lapat, oubyen plis; zot ava ganny konsidere koman degoutan.

Levitik 11:42 ပူးပေါင်းရင်းမြစ်များ

Zenez 1:20

Bondye ti dir: Bann delo ava ranpli avek toudsort kreatir vivan, e i ava annan bann zwazo ki anvole dan lesyel par lao sirfas later!

Ezai 65:25

Loulou ek mouton pou manz ansanm; lyon pou manz zerb parey bef; me serpan pou manz lapousyer! Pou napa okenn mal, ni destriksyon partou lo mon montanny sakre, SENYER ki deklare.

Levitik 11:41

Tou bann pti bebet ki ranpli later ava ganny konsidere degoutan; personn pa devre manz zot.

Levitik 11:43

Pa rann zot menm degoutan akoz sa bann pti bebet ki ranpli later. Pa les zot vin enpir, akoz zot; pa rann zot lekor enpir.

Mise 7:17

Zot pou manz lapousyer parey serpan, ek lezot reptil. An tranblan, zot pou sorti dan zot fortres pour al ver SENYER, nou Bondye. Zot pou dan lafreyer, zot pou per ou.

Matye 23:23

Maler lo zot profeser Lalwa ek Farizyen! Bann ipokrit! Zot donn Bondye en dizyenm parti serten plant tel ki lanmant, legim ek zepis, me zot negliz sa ki pli enportan dan Lalwa, tel ki lazistis, konpasyon ek fidelite. I neseser ki zot fer tousala, me san negliz leres.

Matye 3:7

Zan ti war ki en kantite Farizyen ek Sadiseen ti vin kot li pour zot ganny batize. Alor, i ti dir zot, “Ras viper ki zot ete! Lekel ki'n aprann zot esey sap zizman Bondye ki pros?

Levanzil dapre Zan 8:44

Zot, dyab ki zot papa, e se dezir zot papa ki zot oule realize. Depi o konmansman i en kriminel, i pa'n zanmen kontan laverite, akoz napa laverite dan li. Kan i koz manti, i koz dapre son natir, akoz i manter e papa tou mansonz.

2 Korentyen 11:13

Bann endividi parey, zot bann fo zapot, bann zouvriye manter, degize koman zapot Kris.

2 Korentyen 11:3

Me mon per ki, parey Ev ti ganny tronpe par riz serpan, zot les zot lespri egare lwen avek senserite ek lapirte ki zot devre annan anver Kris.

Let Pol pour bann Tit 1:12

Enn parmi zot, zot prop profet in dir: Bann Kretwa i touzour manter, bann bebet mesan, parese ki mazin zis manze.