Levitik 11:40 - Labib An Kreol Seselwa

⁴⁰ Sa enn ki manz lavyann sa kadav ava lav son lenz; i ava enpir ziska aswar. Sa enn ki transport sa kadav ava lav son lenz; i ava vin enpir ziska aswar.

Levitik 11:40 ပူးပေါင်းရင်းမြစ်များ

Egzod 22:31

Zot ava en pep konsakre pour mwan. Alor, zot pa pou manz lavyann okenn zannimo ki'n ganny desire par bann zannimo sovaz dan lakanpanny. Zot ava zet li avek bann lisyen.

Ezai 1:16

Lav zot! Pirifye zot! Tir sa bann move keksoz devan mwan. Aret fer sa ki mal.

Ezekyel 36:25

Mon pou asperz zot avek delo pir e fer zot vin pir. Mon pou pirifye zot avek tou zot bann aksyon ek tou zot bann zidol ki'n rann zot enpir.

Ezekyel 4:14

Alor, mon ti reponn, “Senyer BONDYE! Depi mon lazenes ziska ozordi, mon pa'n zanmen manz lavyann zannimo mor natirelman, oubyen desire par zannimo sovaz. Okenn lavyann enpir pa'n zanmen antre dan mon labous.”

Ezekyel 44:31

Bann pret pa devre manz okenn zwazo mor, ni okenn zannimo mor ki'n ganny desire par en lot zannimo.

Levitik 11:25

Sa enn ki anmenn nenport ki parti en kadav sa bann zannimo, ava bezwen lav son lenz e i ava reste enpir ziska aswar:

Levitik 11:28

Sa enn ki anmenn bann kadav ava lav son lenz e i ava vin enpir ziska aswar. Ou ava konsider zot koman enpir.

Levitik 11:39

Si en zannimo ki ou kapab manze i mor, sa enn ki tous son kadav ava vin enpir ziska aswar.

Levitik 14:46

An plis, si en dimoun i antre dan sa lakaz pandan ki i devre fermen, i ava enpir ziska aswar;

Levitik 15:15

Pret ava ofer sa bann zwazo, enn koman sakrifis pour pardon pese e lot koman sakrifis konplet. Pret ava fer rityel pirifikasyon pour li devan SENYER, pour son maladi.

Levitik 15:27

Sa ki tous sa lili, oubyen bann lobze ki i'n asiz lo la, ava vin enpir; i devre lav son lenz e pran en ben; i ava reste enpir ziska aswar.

Levitik 16:26

Sa dimoun ki'n al larg sa bouk pour Azazel ava lav son lenz e benny dan delo. Apre, i ava kapab rantre dan kan.

Levitik 16:28

Sa enn ki responsab pour bril sa bann zannimo ava lav son lenz e bennyen. Apre, i ava kapab rantre dan kan.

Levitik 22:6

En pret ki'n ganny bann kontak parey, ava enpir ziska aswar. I pa pou kapab manz bann lofrann sakre, avan ki i'n lav son lekor dan delo.

Levitik 22:8

I pa devre manz zannimo ki'n mor, ni sa ki'n ganny desire par bebet sovaz; sa i ava rann li enpir. Mwan menm SENYER.

Zakari 13:1

Sa zour, en sours pou ouver pour tribi David e pour bann zabitan Zerizalenm. I pou pirifye zot pese ek zot bann lespri enpir.

Nonm 19:19

Lo trwazyenm zour e lo setyenm zour, sa enn ki pir ava fer laspersyon delo lo sa bann dimoun ki enpir. Zot pou ganny pirifye lo setyenm zour. Apre, i ava lav son lenz ek son lekor dan delo e aswar, i ava vin pir.

1 Korentyen 10:21

Zot pa kapab bwar dan lakoup Senyer e dan lakoup demon anmenmtan. Zot pa kapab manz otour latab Senyer e otour latab demon anmenmtan.

1 Korentyen 6:11

Konmsa ki serten parmi zot ti ete. Me zot in ganny lave, pirifye, zistifye devan Bondye, lo non Senyer Zezi-Kri e par Lespri nou Bondye.

Deterononm 14:21

Ou pa pou manz okenn zannimo mor; ou ava donn bann etranze ki reste dan ou lavil, pour manze; ou ava osi kapab vann zot avek en etranze. Me ou, ou en pep sen pour SENYER, ou Bondye. Ou pa pou kwi en pti kabri dan dile son manman.

1 Zan 1:7

Me si nou pe mars dan lalimyer parey li menm i dan lalimyer, alor, nou pe viv ini avek kanmarad, e disan Zezi, son Garson, i pirifye nou avek tou pese.