Levitik 11:39 - Labib An Kreol Seselwa

³⁹ Si en zannimo ki ou kapab manze i mor, sa enn ki tous son kadav ava vin enpir ziska aswar.

Levitik 11:39 ပူးပေါင်းရင်းမြစ်များ

Ezekyel 4:14

Alor, mon ti reponn, “Senyer BONDYE! Depi mon lazenes ziska ozordi, mon pa'n zanmen manz lavyann zannimo mor natirelman, oubyen desire par zannimo sovaz. Okenn lavyann enpir pa'n zanmen antre dan mon labous.”

Levitik 11:24

La bann zannimo ki rann ou enpir. Sa enn ki tous zot kadav ava enpir ziska aswar.

Levitik 11:28

Sa enn ki anmenn bann kadav ava lav son lenz e i ava vin enpir ziska aswar. Ou ava konsider zot koman enpir.

Levitik 11:31

Ou ava konsider zot koman enpir. Sanmenm sa bann pti bebet ki enpir pour ou. Sa enn ki tous kadav enn sa ba bann zannimo ki'n mor, ava vin enpir ziska aswar.

Levitik 11:38

Me si delo in deza ganny met lo bann legren e en kadav i tonm lo la, sa bann legren ava vin enpir.

Levitik 11:40

Sa enn ki manz lavyann sa kadav ava lav son lenz; i ava enpir ziska aswar. Sa enn ki transport sa kadav ava lav son lenz; i ava vin enpir ziska aswar.

Levitik 14:46

An plis, si en dimoun i antre dan sa lakaz pandan ki i devre fermen, i ava enpir ziska aswar;

Levitik 15:15

Pret ava ofer sa bann zwazo, enn koman sakrifis pour pardon pese e lot koman sakrifis konplet. Pret ava fer rityel pirifikasyon pour li devan SENYER, pour son maladi.

Levitik 15:5

Tou dimoun ki tous son lili i devre lav son lenz, pran en ben; i ava reste enpir ziska aswar.

Levitik 15:7

En dimoun ki tous sa zonm ki annan sa lenfeksyon, devre lav son lenz e pran en ben; i ava reste enpir ziska aswar.

Levitik 16:26

Sa dimoun ki'n al larg sa bouk pour Azazel ava lav son lenz e benny dan delo. Apre, i ava kapab rantre dan kan.

Levitik 17:15

En Izraelit oubyen en etranze ki'n manz en zannimo ki'n mor natirelman, oubyen ki'n ganny desire par en zannimo sovaz, ava lav son lenz e benny dan delo. I ava reste enpir ziska aswar; apre i ava vin pir.

Levitik 22:4

Personn parmi bann desandan Aaron ki annan en maladi ki parey lalep oubyen ki annan en desarz, pa pou kapab manz bann lofrann sakre, ziska ki i'n pirifye li. Sa i aplik osi pour sa enn ki'n tous en kadav, sa enn ki son sperm in koule,

Levitik 22:6

En pret ki'n ganny bann kontak parey, ava enpir ziska aswar. I pa pou kapab manz bann lofrann sakre, avan ki i'n lav son lekor dan delo.

Levitik 22:8

I pa devre manz zannimo ki'n mor, ni sa ki'n ganny desire par bebet sovaz; sa i ava rann li enpir. Mwan menm SENYER.

Nonm 19:11

En dimoun ki tous nenport lekor mor, pou reste enpir pandan set zour.

Nonm 19:16

Si en dimoun i dan laplenn e i tous lekor en zonm ki'n ganny touye oubyen ki'n mor en lanmor natirel, si i tous kadav en dimoun mor oubyen en latonm, i pou reste enpir pandan set zour.

Nonm 19:7

Pret ava lav son lenz e pran en ben dan delo; apre, i ava antre dan kan. Me i pou reste enpir ziska aswar.