Levitik 11:32 - Labib An Kreol Seselwa

³² Si en lobze i tonm lo enn sa bann pti bebet ki'n mor, sa lobze ava enpir. Nenport lobze an bwa, lenz, lapo oubyen en sak, tou keksoz ki ganny servi, ava ganny tranpe dan delo e ava vin enpir ziska aswar. Apre, i ava revin pir.

Levitik 11:32 ပူးပေါင်းရင်းမြစ်များ

Levitik 11:31

Ou ava konsider zot koman enpir. Sanmenm sa bann pti bebet ki enpir pour ou. Sa enn ki tous kadav enn sa ba bann zannimo ki'n mor, ava vin enpir ziska aswar.

Levitik 14:46

An plis, si en dimoun i antre dan sa lakaz pandan ki i devre fermen, i ava enpir ziska aswar;

Levitik 15:12

Tou resipyan anter ki i'n touse ava ganny kraze; tou resipyan an bwa ava ganny lave dan delo.

Levitik 15:15

Pret ava ofer sa bann zwazo, enn koman sakrifis pour pardon pese e lot koman sakrifis konplet. Pret ava fer rityel pirifikasyon pour li devan SENYER, pour son maladi.

Levitik 16:26

Sa dimoun ki'n al larg sa bouk pour Azazel ava lav son lenz e benny dan delo. Apre, i ava kapab rantre dan kan.

Levitik 17:15

En Izraelit oubyen en etranze ki'n manz en zannimo ki'n mor natirelman, oubyen ki'n ganny desire par en zannimo sovaz, ava lav son lenz e benny dan delo. I ava reste enpir ziska aswar; apre i ava vin pir.

Levitik 22:6

En pret ki'n ganny bann kontak parey, ava enpir ziska aswar. I pa pou kapab manz bann lofrann sakre, avan ki i'n lav son lekor dan delo.

Levitik 6:28

Resipyan anter dan lekel sa lavyann i ganny bwi devre ganny kraze. Me si i ganny bwi dan en resipyan an bronz, sa resipyan i devre ganny byen netwaye e rense dan gran delo.

Nonm 19:15

Tou bann resipyan ouver e ki napa en kouvertir sere lo la dan latant, pou osi vin enpir.

Nonm 19:7

Pret ava lav son lenz e pran en ben dan delo; apre, i ava antre dan kan. Me i pou reste enpir ziska aswar.

Let Pol pour bann Tit 2:14

Annefe, Zezi-Kri i'n donn son prop lavi pour nou, pour delivre nou dan tou mal e pirifye nou koman en pep ki pour li, en pep zele pour fer sa ki byen.

Let Pol pour bann Tit 3:5

I'n sov nou, pa akoz nou bon e zis, me akoz in annan konpasyon pour nou. I'n lav nou par Lespri Sen ki'n donn nou en nouvo nesans ek en nouvo lavi.