Levitik 11:2 - Labib An Kreol Seselwa

² Dir avek pep Izrael: Parmi bann zannimo lo later, la sa bann ki zot kapab manze:

Levitik 11:2 ပူးပေါင်းရင်းမြစ်များ

Ezekyel 4:14

Alor, mon ti reponn, “Senyer BONDYE! Depi mon lazenes ziska ozordi, mon pa'n zanmen manz lavyann zannimo mor natirelman, oubyen desire par zannimo sovaz. Okenn lavyann enpir pa'n zanmen antre dan mon labous.”

Danyel 1:8

Danyel ti deside pour pa rann li enpir avek manze lerwa ek diven lerwa. Alor, i ti demann sef zofisye dan pale rwayal pour pa obliz li rann li enpir.

Levitik 11:1

SENYER ti koz avek Moiz ek Aaron:

Levitik 11:11

Zot ava reste koman en keksoz degoutan; ou pa pou manz zot lavyann. Ou ava konsider zot kadav koman en keksoz degoutan.

Levitik 11:13

Parmi bann zwazo, la bann ki zot devre ganny konsidere koman en keksoz degoutan, e ki zot pa devre manze: Leg, votour, leg maren,

Levitik 11:21

Me parmi bann pti bebet avek lezel e ki mars lo kat lapat, ou ava kapab manz sa bann ki annan lazanm par lao zot lapat pour zot sote.

Levitik 11:29

Parmi bann pti bebet ki ranpli later, ou ava konsider sa bann koman enpir: Tang, souri, bann diferan lespes lezar,

Levitik 11:3

Zot ava kapab manz bann zannimo ki annan sabo fann an de e ki rimin zot manze.

Levitik 11:34

Tou nouritir ki kapab ganny manze ava vin enpir si ou vid delo ki sorti dan sa resipyan lo la; tou labwason ki ti dan enn sa bann resipyan ava vin enpir.

Levitik 11:39

Si en zannimo ki ou kapab manze i mor, sa enn ki tous son kadav ava vin enpir ziska aswar.

Levitik 11:4

Me parmi bann ki annan sabo fann an de oubyen ki rimin zot manze, zot pa devre manz sa bann zannimo swivan: Samo, ki rimin son manze, me i napa sabo fann an de; ou ava konsider li koman enpir.

Levitik 11:9

Parmi sa bann zannimo ki viv dan delo, la sa ki zot ava manze: Tou bann zannimo ki viv dan delo, swa dan lak, ouswa dan larivyer, ki annan nazwar ek lekay. Sa ou ava kapab manze.

Matye 15:11

Pa sa ki antre dan labous en dimoun ki fer li enpir, me sa ki sorti dan son labous; sa, ki rann en dimoun enpir.”

Ebre 13:9

Pa les zot ganny antrennen par toudsort lansennyman bizar. I bon ki nou leker i ganny ankouraze par lagras, e non pa par bann regleman konsernan manze. Dimoun ki'n obzerv sa bann regleman pa'n tir okenn benefis.

Ebre 9:10

Sa bann rityel ti konsern zis manze, bwar ek seremoni pirifikasyon, ki ti valab an atandan ki tou ava ganny renouvle.