Levitik 10:19 - Labib An Kreol Seselwa

¹⁹ Aaron ti reponn Moiz, “Ozordi, zot in prezant zot sakrifis pour pardon pese ek zot sakrifis konplet devan SENYER. Si ozordi, apre sa ki'n ariv mwan, mon ti'n manz sakrifis pour pardon pese, eski SENYER ti pou kontan?”

Levitik 10:19 ပူးပေါင်းရင်းမြစ်များ

Ezai 1:11

SENYER i'n deklare: Ki mon annan pour fer avek tou zot kantite sakrifis? Mon'n ganny ase avek sakrifis konplet bann mouton mal e avek lagres bann zannimo ki'n ganny angrese; ni disan toro, ni disan zenn mouton, ni disan bouk pa fer mwan plezir.

Ezai 1:15

Ler zot lev zot lanmen ver mwan, mon pou ferm mon lizye. Menm si zot fer bokou lapriyer, mon pa pou ekoute; zot lanmen i ranpli avek disan.

Zeremi 14:12

Menm si zot fer en zenn, mon pa pou ekout zot lapriyer; menm si zot ofer mwan bann sakrifis konplet ek lofrann vezetal, mon pa pou aksepte. O kontrer, mon pou detri zot par lager, lafanmin ek lepidemi.”

Zeremi 6:20

Mon pa bezwen lansan ki sorti dan pei Saba, oubyen dibwa parfimen ki sorti dan pei etranze. Mon pa bezwen bann zannimo ki zot brile lo lotel; zot bann sakrifis pa fer mwan plezir.

Oze 9:4

I pa pou vers lofrann diven devan SENYER; zot sakrifis pa pou fer li plezir. I pou koman en dipen dey, tou sa ki manze pou vin enpir; sa dipen pou zis pour zot vant; i pa pou antre dan tanp SENYER.

Levitik 10:20

Ler Moiz ti antann sa, i ti satisfe.

Levitik 9:12

Apre, i ti egorz zannimo pour sakrifis konplet. Son bann garson ti prezant li disan e i ti fer laspersyon otour lotel.

Levitik 9:8

Alor, Aaron ti apros kot lotel, e egorz sa zenn bef pour sakrifis pardon son prop pese.

Malasi 1:10

Ti ava preferab ki enn parmi zot ti ava ferm bann laport tanp e personn pa ti ava alim dife pour nanryen lo mon lotel, SENYER liniver i deklare. Zot pa fer mwan plezir, mon pa pou aksepte zot sakrifis, SENYER liniver ki deklare.

Malasi 1:13

Zot osi oze dir: Tousala i fatigan, e zot lev nennen avek mwan. Zot menm ofer sakrifis zannimo vole, malad oubyen andikape. Eski mon kapab aksepte sa, sorti kot zot? SENYER ki deklare.

Malasi 2:13

La ankor sa ki zot fer: Zot vin kouver lotel SENYER avek larm. Zot sanglote e fer gro tapaz, akoz i nepli pran ka, ni aksepte zot lofrann ki zot anmenn kot li.

Deterononm 12:7

Zot ava manz la, dan prezans SENYER, zot Bondye, avek zot fanmir, avek zot bann serviter. Zot ava dan lazwa, akoz SENYER in beni zot dan tou sa ki zot in antreprann.

Deterononm 26:14

Mon pa'n manz okenn par ler mon ti an dey; mon pa'n tir okenn par ler mon ti enpir; mon pa'n ofer okenn par pour en lanmor. Mon'n obei SENYER mon Bondye; mon'n azir parey i ti ordonn mwan.

Filipyen 4:4

Reste touzour dan lazwa, ini avek Senyer. Mon repete: Reste dan lazwa.

Ebre 7:27

I pa bezwen ofer sakrifis tou le zour, parey lezot Gran-Pret, dabor pour son prop pese, answit pour pese lepep. I'n ofer son lekor an sakrifis en sel fwa pour tou.

Ebre 9:8

Par la, Lespri Sen ti montre ki semen pour antre dan sanktyer, pa ti lib, osi lontan ki sa premye sanktyer ti ankor la.