Levitik 1:17 - Labib An Kreol Seselwa

¹⁷ I ava fann sa zwazo an de ant son lezel, me san separ li an morso. Apre, sa pret ava bril li lo dibwa ki lo lotel. Sa i ava en sakrifis konplet, brile dan dife, ki anvoy en loder ki fer plezir SENYER.

Levitik 1:17 ပူးပေါင်းရင်းမြစ်များ

Zenez 15:10

Abranm ti anmenn tou sa bann zannimo. I ti fann zot tou an de e plas sak morso vizavi lot; me i pa ti koup bann zwazo.

Zenez 8:21

Loder son sakrifis ti fer plezir SENYER ki ti dir dan li menm: Mon pa pou zanmen modi later ankor akoz bann et imen. I vre ki depi son lazenes, leker zonm i move. Zanmen ankor mon pou detri bann vivan parey mon'n fer.

Psonm 16:10

Ou pa pou abandonn mwan dan lemonn lanmor. Ou pa pou les ou zanmi fidel fini dan lafos.

Levitik 1:13

I ava lav trip ek bann lapat avek delo. Answit, en pret ava prezant tou e fer brile lo lotel. Sa i ava en sakrifis konplet, brile dan dife, ki anvoy en loder ki fer plezir SENYER.

Levitik 2:2

I ava anmenn sa lofrann kot bann pret, bann garson Aaron. En pret ava pran en ponnyen sa lafarin melanze avek delwil ek lansan, e bril lo lotel koman sa porsyon rezerve pour SENYER. Sa i en lofrann brile dan dife, ki anvoy en loder ki fer plezir SENYER.

Levitik 3:5

Bann garson Aaron ava bril sa bann morso lo lotel ansanm avek sakrifis konplet ki'n ganny plase lo dibwa ki pe brile. Sa i ava en sakrifis brile par dife ki anvoy en loder ki fer plezir SENYER.

Levitik 5:8

I ava anmenn zot kot pret ki ava ofer premyerman, zwazo ki pour pardon pese. I ava kas son likou, me san ki i separ son latet.

Levitik 6:14

La rityel konsernan lofrann vezetal: Bann garson Aaron ava ofer SENYER sa lofrann, devan lotel.

Levitik 8:21

Parey SENYER ti'n ordonn li, Moiz ti lav trip ek bann lapat avek delo. I ti bril leres mouton lo lotel koman en sakrifis konplet, brile par dife, ki anvoy en loder ki fer plezir SENYER.

Levitik 9:13

Zot ti osi prezant li zannimo sakrifis konplet koupe an morso avek latet e i ti bril tou lo lotel.

Nonm 15:3

zot ava ofer mwan en sakrifis konplet oubyen nenport lezot sakrifis avek gro oubyen pti zannimo; en sakrifis pour akonpli en ve oubyen en lofrann volonter, oubyen en sakrifis a lokazyon en lafet pour fer monte en loder ki fer plezir SENYER.

Nonm 28:8

Ler soley i kouse, ou ava ofer lot zenn mouton avek menm lofrann delwil ek diven, parey bomaten. Sa i ava en lofrann brile par dife ki donn loder ki fer plezir SENYER.

Matye 27:50

Ankor en fwa, Zezi ti kriye avek en lavwa byen for, e i ti rann son dernyen souf.

Levanzil dapre Zan 19:30

Kan Zezi ti'n gout sa vineg, i ti dir, “Tou in akonpli!” Apre, i ti bes son latet e i ti rann son souf.

Romen 4:25

Zezi ti ganny livre anmor akoz nou bann pese. Me Bondye i'n resisit li pour rann nou zis devan li.

1 Pyer 3:18

Annefe, Kris in osi mor pour nou pese en fwa pour tou. Li, sa enn ki ti inosan, i'n mor pour bann ki ti koupab, pour anmenn nou tou kot Bondye. Zot ti touy li dan son lekor fizik, me i ti revin vivan par Lespri Sen.