Levanzil dapre Lik 7:9 - Labib An Kreol Seselwa

⁹ Kan Zezi ti antann sa, i ti admir sa zofisye. I ti tourn ver lafoul ki ti pe swiv li. I ti dir, “Mon dir zot, menm parmi pep Izrael, mon pa'n war en tel lafwa.”

Levanzil dapre Lik 7:9 ပူးပေါင်းရင်းမြစ်များ

Matye 15:28

Alor Zezi ti reponn li, “Fanm, ou lafwa i gran! Ou dezir i ava ganny akonpli!” Dan sa moman menm, son fiy ti geri.

Matye 8:10

Kan Zezi ti antann sa, i ti annan ladmirasyon pour sa zofisye. I ti dir avek bann ki ti pe swiv li, “Mon dir zot, sa i laverite: Zanmen mon'n war en tel lafwa kot personn dan Izrael.

Matye 9:33

Zezi ti sas sa demon, e deswit sa kozpa ti konmans koze. Tou dimoun ti etonnen. Zot ti dir, “Zanmen dimoun in war keksoz parey dan Izrael!”

Levanzil dapre Lik 7:8

Mwan osi, malgre ki mon anba lotorite, mon annan en bann solda anba mon lord. Mon dir avek enn: Ale! I ale. Mon dir avek en lot: Vini! I vini. Mon dir avek mon lesklav: Fer sa! I fer li.”

Levanzil dapre Lik 7:10

Kan bann zonm ki ti'n ganny anvoye ti retourn kot lakaz, zot ti war ki sa lesklav ti'n geri.

Levanzil dapre Lik 7:50

Zezi ti dir avek sa fanm, “Ou lafwa in sov ou; al anpe.”