Let Zid 1:3 - Labib An Kreol Seselwa

³ Mon bann zanmi! Mon ti vreman anvi ekri zot konsernan lafwa ki nou partaze. Me mon ti santi mwan dan lobligasyon pour ekri deswit sa let pour ankouraz zot konbat pour lafwa ki ti ganny transmet en fwa pour tou, avek bann ki Bondye in swazir.

Let Zid 1:3 ပူးပေါင်းရင်းမြစ်များ

Nehemi 13:25

Mon ti repros zot e mon ti modi zot; mon ti bat en bann e aras zot seve; mon ti fer zot pret serman o non Bondye: Zot pa pou donn zot bann fiy avek zot bann garson, ni pran zot bann fiy pour zot garson, ni pour zot.

Ezai 45:17

Me Izrael i ganny sove par SENYER; i sov li pour touzour. Zanmen i pou ganny kouver avek laont ni ganny ensilte.

Ezai 45:22

Zot tou ki reste dan bout later, retourn kot mwan e zot ava ganny sove. Akoz mwan menm ki Bondye e napa okenn lot.

Zeremi 9:3

SENYER i deklare: Zot lalang i parey en fles. Mansonz in ranplas laverite dan sa pei. Mon pep i fer sa ki mal enn deryer lot. Zot refize rekonnet mwan koman zot Bondye.

Akt de Zapot 17:3

I ti eksplik zot e montre zot ki dapre Lekritir, Mesi ti bezwen soufer e resisite. Pol ti dir zot, “Sa Zezi ki mon pe anons zot, li menm Mesi.”

Akt de Zapot 18:28

Annefe, avek son bann largiman solid, i ti montre bann Zwif piblikman ki zot ti dan lerer. I ti prouve par Lekritir, ki Zezi i Mesi.

Akt de Zapot 20:27

Annefe, mon pa'n negliz nanryen pour anons zot plan Bondye an antye.

Akt de Zapot 28:28

Alor mon oule ki zot konnen ki sa mesaz delivrans Bondye, i'n ganny anvoye kot bann non-Zwif. Zot, zot ava ekoute!”

Akt de Zapot 4:12

Zis li menm ki kapab sov zot, akoz napa okenn lot non dan lemonn antye, ki Bondye in donnen par lekel nou kapab ganny sove.”

Akt de Zapot 6:7

Parol Bondye ti kontinyen fannen; lakantite disip ti ogmant vit dan Zerizalenm. En gran kantite pret ti aksepte krwar dan Zezi.

Akt de Zapot 9:13

Ananyas ti reponn, “Senyer! Bokou dimoun in koz avek mwan konsernan sa zonm. Zot in rakont mwan sa kantite soufrans ki i'n fer ou bann fidel ki dan Zerizalenm.

Akt de Zapot 9:22

Me Sol ti pres avek plis lafors ankor. Bann Zwif ki ti pe reste Damas ti nepli konnen ki repons pour donn li kan i ti montre ki Zezi i li menm Mesi.

1 Korentyen 15:3

Mon'n transmet zot, avan tou, lansennyman ki mwan menm mon'n resevwar. Parey Lekritir in deklare: Kris in mor pour nou pese

Galat 2:5

Me nou pa ti sede avek zot pour en sel moman, pour ki laverite Bonn Nouvel i reste parmi zot.

Galat 3:28

Alor, i nepli annan okenn diferans ant Zwif ek non-Zwif, ant lesklav e ant dimoun lib, zonm oubyen fanm, akoz zot tou, zot in vin en sel avek Zezi-Kri.

Galat 6:11

Gete avek ki groser lekritir mon pe ekri zot. Annefe, mon pe ekri zot avek mon prop lanmen.

Efezyen 1:1

Sa let i sorti kot Pol, en zapot Zezi-Kri, par lavolonte Bondye. Pour bann kretyen ki dan Efez e ki fidel dan Zezi-Kri:

Deterononm 21:9

Konmsa ki ou ava fer disparet disan en inosan parmi zot, an fezan fer sa ki byen devan SENYER.

Deterononm 9:10

Alor, SENYER ti donn mwan sa de plak ros ekri par ledwa Bondye. Lo la, ti annan tou bann parol ki SENYER ti'n koz avek zot lo montanny, dan dife, zour rasanbleman.

Filipyen 1:1

Sa let i sorti kot Pol ek Timote, bann serviter Zezi-Kri. Nou pe ekri tou bann zabitan Filipi ki fer parti pep Bondye, ini avek Zezi-Kri. Nou mesaz i adres osi pour bann dirizan Legliz ek bann dyak.

Filipyen 1:27

Me i enportan ki zot konport zot dan en fason diny anver Bonn Nouvel Kris. Alor, ki mon vin war zot, oubyen ki mon pa vini, mon swete tande ki zot pe reste ini solidman dan en menm lespri; ki ansanm, avek en menm leker, zot pe konbat pour lafwa ki baze lo Bonn Nouvel.

Kolosyen 1:2

Pour bann pep Bondye ki reste Kolos, ek nou bann frer ek ser fidel ini avek Kris: Nou demande ki Bondye nou Papa e Senyer Zezi-Kri i akord zot lagras ek lape.

1 Tesalonisyen 2:2

Zot osi konnen ki, avan nou ti vin kot zot, nou ti ganny ensilte e maltrete dan lavil Filipi. Malgre en gran lopozisyon, Bondye ti donn nou kouraz pour anons zot Bonn Nouvel.

1 Timote 1:18

Timote, mon garson! Mon konfye ou sa lansennyman, ki annakor avek parol bann profet. Fer ki sa bann parol, i ou lafors dan sa bon konba ki ou'n livre

1 Timote 6:12

Konbat sa bon konba pour lafwa. Sezi lavi eternel pour lekel Bondye in apel ou kan ou ti fer sa zoli deklarasyon lo ou lafwa, dan prezans en kantite temwen.

2 Timote 1:13

Pran koman en model, bann parol laverite ki mon'n ansenny ou. Reste ferm dan lafwa ek lanmour ki nou posede dan lakominyon avek Zezi-Kri.

Let Pol pour bann Tit 1:4

Mon ekri ou sa let, Tit, mon vre garson dan lafwa ki nou partaze. Bondye, nou Papa, ek Kris Zezi nou Sover ava donn ou lagras ek lape.

Ebre 13:22

Mon bann frer! Mon demann zot pour siport avek pasyans sa bann parol lankourazman. Annefe, mon let pa long.

Ebre 6:9

Mon bann zanmi! Menm si nou koz konmsa, nou sir ki zot lo sa bon semen ki donn ladelivrans.

1 Pyer 5:12

Mon ekri zot sa kourt let avek led Silas, ki en frer fidel, pour ankouraz zot, e asir zot ki sa i vre lagras Bondye. Reste ferm ladan.

2 Pyer 1:1

Sa let i sorti kot Simon Pyer, en serviter e zapot Zezi-Kri, pour bann ki'n resevwar en lafwa osi presye ki pour nou, par lazistis nou Bondye e nou Sover Zezi-Kri.

2 Pyer 2:21

I ti ava'n preferab si zot pa ti'n zanmen konn semen lazistis, si, apre ki zot in konnen, zot detourn zot avek sa sen komannman ki zot ti'n resevwar.

Let Zid 1:1

Sa let i sorti kot Zid, serviter Zezi-Kri, e frer Zak. Pour tou bann ki'n ganny apele par Bondye e ki viv dan lanmour Bondye Papa e ki ganny garde par Zezi-Kri.

Let Zid 1:17

Me zot, mon bann zanmi! Rapel zot bann parol ki zot in tande depi lontan par bann zapot nou Senyer Zezi-Kri.

Let Zid 1:20

Me zot, mon bann zanmi! Kontinyen fer progre dan zot lafwa ki tre sen. Priy avek lapwisans Lespri Sen.

Revelasyon 12:11

Par disan Zenn Mouton e par zot temwannyaz, zot in ganny laviktwar lo li. Zot in aksepte donn zot lavi ziska lanmor.

Revelasyon 2:10

Pa per pour sa ki ou pou soufer. Dyab pou byento zet serten parmi zot dan prizon, pour teste zot. Zot pou bezwen soufer pandan dis zour. Me reste fidel ziska lanmor, e mon ava donn ou kouronn lavi.