Let Zak 5:7 - Labib An Kreol Seselwa

⁷ Mon bann frer! Pran pasyans ziska retour Senyer. Gete koman en fermye i espere avek pasyans, ki later i prodwir son rekolt presye: I esper avek pasyans, premye sezon lapli ek dernyen sezon lapli.

Let Zak 5:7 ပူးပေါင်းရင်းမြစ်များ

Zeremi 5:24

Zanmen ou'n mazinen onor mwan, SENYER ou Bondye. Mon'n anvoy lapli dan son sezon toulezan, ler ou plante e ler ou rekolte.

Oze 6:3

Annou konn li, annou vreman rode pour konn SENYER. I pou aparet, sa i sir parey lizour i fer. I pou vini zis parey lapli i tonbe, parey lapli i aroz later dan sezon lapli.

Zoel 2:23

Zot bann zabitan Siyon! Rezoui dan SENYER, zot Bondye. In fer tonbe lapli apre lasesres; in fer tonbe lapli annabondans: Lapli pour sak sezon, parey avan.

Zakari 10:1

Demann SENYER fer lapli tonbe dan sezon prentan. SENYER ki provok loraz, ki donn ou lapli annabondans e i pou fer pouse zerb partou.

Matye 16:27

Annefe, Fis-de-Lonm pou vini dan mazeste son Papa avek son bann lanz. I pou rekonpans sakenn dapre son bann aksyon.

Matye 16:28

Mon dir zot, sa i laverite: Parmi bann ki isi, serten pa pou mor, avan ki zot war Fis-de-Lonm vini koman en lerwa.”

Matye 24:27

Fis-de-Lonm pou vini parey zekler ki klate atraver lesyel depi Les ziska Was.

Matye 24:44

Zot osi, met zot pare, akoz Fis-de-Lonm pou vini ler ki zot pa pe mazinen.”

Levanzil dapre Lik 18:8

Mon dir zot, i pou rann zot lazistis deswit. Me kan Fis-de-Lonm pou vini, eski i pou trouv lafwa lo later?”

Levanzil dapre Lik 21:27

Alor, zot pou war Fis-de-Lonm vini lo en nyaz avek gran pwisans ek gran mazeste.

Levanzil dapre Lik 8:15

Bann lagrenn ki tonm dan bon later se bann ki antann Laparol avek en leker onnet e bon; zot gard li e avek perseverans zot prodwir bokou fri.”

Levanzil dapre Zan 21:22

Zezi ti dir li, “Si mon oule ki i viv ziska ki mon retournen, ki sa i fer ou? Ou, swiv mwan!”

Levanzil dapre Zan 21:23

Alor, nouvel ti fannen dan kominote ki sa disip pa pou mor. Pourtan, Zezi pa ti'n dir Pyer ki sa disip pa pou mor. I ti'n zis dir: Si mon oule ki i viv ziska ki mon retournen, ki sa i fer ou?

Romen 15:4

Tou sa ki'n ganny ekri dan lepase in ganny ekri pour enstrir nou, pour ki par perseverans ek lankourazman ki Lekritir i donnen, nou posed lesperans.

Romen 2:7

Bann ki fer lebyen, pou ganny laglwar, loner ek limortalite.

1 Korentyen 1:7

Konmsa, i pa mank zot okenn don sorti kot Bondye, pandan ki zot pe esper nou Senyer Zezi-Kri aparet.

Galat 5:5

Kanta nou, nou met nou lespwar dan Bondye ki pou rann nou zis devan li. Sanmenm sa ki nou pe espere, par pwisans Lespri Sen ki travay atraver nou lafwa.

Galat 6:9

Annou pa fatige fer lebyen; akoz si nou pa dekouraze, nou pou rekolte dan son letan.

Deterononm 11:14

Alor, mon pou fer lapli tonbe lo zot pei dan sak sezon, lapli lotonn ek lapli prentan, e zot ava rekolte zot dible, zot diven nouvo ek zot delwil.

Kolosyen 1:11

Nou demann Bondye pour fortifye zot par pwisans son mazeste, pour ki zot ava kapab siport tou avek pasyans.

1 Tesalonisyen 1:3

Annefe, devan Bondye nou Papa, nou rapel zot lafwa ki efikas, zot lanmour ki aktif, e zot lesperans ki solid dan nou Senyer Zezi-Kri.

1 Tesalonisyen 2:19

Annefe, zis zot ki nou lesperans, nou lazwa ek nou kouronn ki rann nou fyer devan nou Senyer Zezi, kan i pou retournen.

1 Tesalonisyen 3:13

I ava fortifye zot leker e rann zot sen e parfe devan Bondye nou Papa, pour sa zour ki nou Senyer Zezi ava retournen avek tou son bann ki i'n konsakre pour li. Amenn.

Ebre 6:15

Ensi, apre ki i ti'n esper avek pasyans, Abrahanm ti resevwar sa ki Bondye ti'n promet li.

Let Zak 4:11

Mon bann frer! Pa bezwen malparl kanmarad. Sa enn ki malparl son frer oubyen ziz son frer, i koz mal kont Lalwa, i pe ziz Lalwa. Si ou ziz Lalwa, ou nepli en pratikan Lalwa, me en ziz.

Let Zak 5:10

Mon bann frer! Pran pour legzanp, lasoufrans ek pasyans bann profet ki'n anons mesaz Senyer.

Let Zak 5:3

Zot lor ek zot larzan in kouver avek larouy. Sa larouy pou servi koman temwen kont zot e pou devor zot laser parey dife. Zot in anmas bann trezor pour lafen letan.

2 Pyer 3:4

Zot pou dir: Oli sa enn ki'n promet ki i pou retournen? Depi ki nou bann zanset in mor, tou i reste parey ti ete o konmansman, depi kreasyon lemonn.