Let Zak 5:6 - Labib An Kreol Seselwa

⁶ Zot in kondann e touy dimoun inosan, ki pa'n montre okenn rezistans.

Let Zak 5:6 ပူးပေါင်းရင်းမြစ်များ

Ezai 5:23

Zot ki larg en koupab pour gous e refiz bann inosan zot drwa.

Ezai 53:7

I ti ganny maltrete e imilye, me i pa ti ouver labous. Parey en mouton ki ganny anmennen labatwar, parey en zenn mouton, reste trankil, san ouver labous, devan sa bann ki raz li.

Matye 21:38

Me kan bann lokater ti war son garson, zot ti dir avek kanmarad: La zeritye! Vini, annou touy li e nou ava ganny son propriyete!

Matye 27:20

Bann gran-pret ek bann ansyen ti ensiste avek lafoul, pour demann liberasyon Barabas e kondannasyon anmor pour Zezi.

Matye 5:39

Me mwan mon dir zot: Pa tir vanzans lo en dimoun ki'n fer ou ditor. Si en dimoun i donn ou en kalot lo ou lazou drwat, prezant li lazou gos osi.

Akt de Zapot 22:14

I ti azoute, “Bondye nou bann zanset in swazir ou davans pour fer ou konn son lavolonte, pour ou war sa enn ki Zis, e pour ou antann son prop lavwa.

Akt de Zapot 7:52

Lekel profet ki zot bann zanset pa'n persekite? Zot in touy tou bann ki'n anons larive sa enn ki Zis. Aprezan, li menm ki zot in trai e ki zot in touye.

Akt de Zapot 8:32

La pasaz ki i ti pe lir: I ti ganny anmennen koman en mouton labatwar. I ti parey en zenn mouton, trankil devan bann ki raz son lalenn. I pa ti ouver labous.

Ebre 10:38

Me sa enn ki zis, pou viv par lafwa. Mon pa pran plezir avek sa enn ki retourn annaryer.

Let Zak 2:6

Me zot, zot dezonor bann pov. Pa bann ris ki eksplwat zot e ki trenn zot devan ziz?

Let Zak 4:2

Zot oule keksoz, me zot pa kapab gannyen. Alor, zot pare pour touye. Zot anvi, me zot pa kapab gannyen. Alor, zot fer kerel ek lager. Zot pa ganny sa ki zot anvi, akoz zot pa konn demande.

1 Pyer 4:18

Parey Lekritir i deklare: Si sa enn ki zis i ganny sove difisilman, ki pou arive avek sa enn ki annan en move lavi ek bann peser?